FC Liestal
Us der alemannische Wikipedia, der freie Dialäkt-Enzyklopedy
| Gonzer Nôme | Fussballclub Liestal | ||||||||||||||||||||||||||||||||
| Spitzname(n) | |||||||||||||||||||||||||||||||||
| Gryndet | 3. Juli 1895 | ||||||||||||||||||||||||||||||||
| Stadion | Gitterli | ||||||||||||||||||||||||||||||||
| Plätz | 5'250 | ||||||||||||||||||||||||||||||||
| Präsident | Bernhard Fröhlich | ||||||||||||||||||||||||||||||||
| Trainer | Roger Mengel | ||||||||||||||||||||||||||||||||
| Manager | kene | ||||||||||||||||||||||||||||||||
| Adress | Postfach 417 4410 Liestal www.fcliestal.ch |
||||||||||||||||||||||||||||||||
| Liga | 2. Liga interregional | ||||||||||||||||||||||||||||||||
| ' | |||||||||||||||||||||||||||||||||
|
|||||||||||||||||||||||||||||||||
| Technische Yschränkung: Dr koräkt Titel wär: »FC Lieschtel« |
 |
Dialäkt: Baseldytsch |
Dr FC Lieschtel isch e Fuessballverein uss Lieschtel. Är isch Mitgliid vom Schwizerische Fuessballverband (SFV). Dr Verein isch am 3. Juli 1895 gründet worde als Fussballclub Liestal und gheert dodrmit zue de ältischte Clubs us Lieschtel. Im Momänt spiilt er in dr 2. Liga interregional, dr vierthegschte Liga vor Schwiiz. Siner greeschte Erfolg hett dr Club aber in dr Zyt zwische de beide Wältkrieg gha, woner es paar Jöörli hegschtklassig gspiilt het - allerdings hetts denn no e kai nationali Meischterschaft gee.
Inhaltsverzeichnis |
[ändere] Porträä
Dr Verein hett im Momänt 5 Aggtiv- und 14 Junioremannschafte. S Fanionteam spiilt sit sinem Uffstiig vor wenige Joor in dr 2. Liga interregional und haltet in de vordere Tabällepositione mit. Dr ganz Verein zellt über 600 Mitgliider.
[ändere] Gschicht/Erfolg
Die greeschte Erfolg hett dr Club am Ändi vo de 1920er und in de friehne 1930er Joor gschriibe, woner im Schwiizer Cup gege beriemtig Gegner wie Lugano, Zyri oder Old Boys Basel gunne het. In däre Zyt isch dr FC Lieschtel au Baselbieter Meischter und B-Meischter vo dr Zentralschwiiz worde. Dodrmit isch me in d Promotionsklass uffgstiige, dr doozmolls hegschte Liga vor dr Yyfierig vonere nationale Liga. 1928 isch s Ändspiil um die schwiizerisch Promotionsmeischterschaft gege d Young Boys Bärn ungligglig uff eigenem Platz verlore gange.[1].
Sit de 1950er Joor isches mit em Club bärgab gange bis abe in d Niiderige vo dr 3. Liga. In de 1990er Joor hett denn d'Wändi yygsetzt.
E Usnaam in dr Trischtess hett d Saison 1979/1980 bildet, wo dr FC Lieschtel dr Basler Cup gunne hett. 2002/2003 hett me dr Reini Erbe-Cup kenne gwinne, wo allewyl die bescht Mannschaft vom Fuessballverband Nordweschtwiiz bikunnt.
Im 2006 isch dr Verein Gegner vom grosse Stadtrival, em FCB, im Schwiizer Cup gsi. Grad säggs Töpf hän d Basler i däm 1/32-Finalspiil gmacht. Immerhin hänn die guet 5150 Zueschauer, wo ins Gitterli pilgeret sin, es Ehregool kenne bewundere.
[ändere] Referenze
- ↑ Bürgergemeinde Liestal (Hrsg.): Liestal - eine neue Heimatkunde, Liestal 2004, S. 306
