Euktemon
Us der alemannische Wikipedia, der freie Dialäkt-Enzyklopedy
De Euktemon (Εὐκτήμων, um 430 v.Chr.) isch en athenische Astronom, Geograaf und Meteoroloog gsii. Mitem Meton zäme het er d Sunewendige beobachtet um d Längi vom tropische Joor z bestime. Baidi Astronome geltet als d Entdecker vom 19jöörige lunisolare Zyklus, em sogenannte Metonische Joor. Und baidi sind maasgeblich a de attische Kalenderreform betailigt gsii.
Zudem het er au d Uufgäng und d Untergäng vode Sterne beobachtet, und zwor, wie de Ptolemäus schribt, z Athen, uf de Kyklade, in Makedonie und in Thrakie. Mit Hilf vode Tierchraiszaiche het er Regle festglait, wo die regelmässige jooreszitliche Wechsel vom Wetter beschribet.
Nochem Euktemon isch e Krater ufem Moo benannt.
[ändere] Literatur
B.L. van der Waerden: Die Astronomie der Griechen; Darmstadt (1988), ISBN 3-534-03070-2
