Cybersquatting
Us der alemannische Wikipedia, der freie Dialäkt-Enzyklopedy
Cybersquatting (ängl. squatter = Huusbsetzer) isch e abfälligi Bezeichnig für es Regischtriere vo Internetdomains, die em Regischtrierende eigentlich nit zuestöhn odr die er selbr nit bruche will. Dr Cybersquatter bietet sälli Domains denn im e rechtmäßigere Intressent zue nem möglicherwiese übrhöhte Pries a, en Akt, dä vo mängge als Erprässig agseh wird.
Inhaltsverzeichnis |
[ändere] Übrsicht
Hüfig regischtriere Cybersquatter solchi Domains un biete sie de Person odr Firma a, dere e Handelszeiche ghört, wo im Domainname enthalte isch. Für gwöhnlich verlange sie e hoche Pries wo wit übr de urschprüngliche Regischtrierigsgebühr liegt. Um Druck uf de Rächtinhaber usz'uebe, vrsehe mänggi Cybersquatter d' Website untr de Domain mit negativem Inhalt übr di Person odr Firma, di eigentlich repräsentiert wärde sott. Dodurch erhoffe sie sich, dass de Beträffendi di Domain ender chauft, au um de negative Inhalt entfärne z'chönne.
Di meischte Cybersquatter regischtriere mehreri Variante vo nere Domain, um z'verhindere, dass sälli vo de Personen odr Firme sälber regischtriert wärde. E Cybersquatter wo z.B. eWurstbrot.de regischtriert, regischtriert au eWurstbrot.com, ElektronischsWurstbrot.com, ElektronischsWurstbrot.net un witeri logischi Variante wo sich ableite löhn.
E Abart vom Cybersquatting isch es sognannti Typosquatting, also es Regischtriere vo Tippfehler-Domains.
Di Bezeichnig Cybersquatter wird deilwies fälschlich au für Persone verwändet, di e großi Azahl vo Domains ohni schpeziells Interässi regischtriere odr generäll für alli Personen di interessiert sin Domains z'verchaufe.
Lut ere Umfrog [1] vo dr Europäischi Kommission sin guet e Viertel vo dr Befrogte scho als Marke- un/odr Domaininhaber vo Cybersquatting betroffe gsi.
[ändere] Rechtlichi Lösige
Schtritigkeite um Domains ußerhalb vo Deutschland wärde für gwöhnlich übr d' Uniform Domain Name Resolution Policy (UDRP) beiglegt, eme Verfahre wo von dr Internet Corporation for Assigned Names and Numbers (ICANN) verfasst worde isch. Kritiker bemängle abr, dass dodrbi großi Firme bevorzuegt wärde un di troffene Entscheidige hüfig wit übr d'Regle un d'Absicht vo dr UDRP usegöhn.
Grichtsverfahre sin e anderi Möglichkeit um Fälle vo Cybersquatting z'chläre, abr d'Rächtsprechig isch oft e Problem will unterschiedlichi Gricht jewiels feschtgelegt hen, dass de Ort vom Verfahre entwäder durch de Kläger, de Aklagti odr em Schtandort vom Server isch, uf däm di Domain regischtriert ischt, feschtglegt wird. Di meischte Lüt entscheide sich für e Beilegig mittels em UDRP-Verfahren, will säll im Schnitt billiger un für gewöhnlich wietus schnäller wie ne Klag isch. Allerdings cha, was au hüfiger vorchunnt, e Gricht übr d'UDRP hinweg de Fall entscheide.
E baar Länder hän schpezielli Gsetz in Bezug uf Cybersquatting, di übr di normale Gsetze zuem Schutz vo Handelszeichen usegöhn. D'USA z.B. het 1999 de U.S. Anticybersquatting Consumer Protection Act (ACPA) igfuehrt.
D' Weltorganisation für geischtigs Eigetum (WIPO) het aber scho 2001 in ere Schtudie di gsetzliche Rahmebedingigen kritisiert. Es sig nit möglich, bi de herrschendi Gsetzeslag de Cybersquatter wirksam 's Handwärk z' lege. Sie schlat vor e international gültigi, einheitlichi Regelig z'schaffe.
Noch dr UDRP chönne erfolgreichi Beschwärdeschteller di Domains lösche loh (was oft bedütet, dass öbber anderscht sie wiedr regischtriert) odr sie uf ihre Name übertrage loh (was bedütet, dass sie jährlichi Gebühren zahle muen, um z' verhindere, dass di Domain wiedr zuem Regischtriere freigeh wird). Nach em ACPA könne Cybersquatter für Ruef- un Gschäftsschädigung bis zue $100.000 haftbar gmacht wärde.
Es het au scho mehreri Fäll geh in däne Firme, Einzelpersone odr Regierige versuecht hen, Domainname mit de Hilf vo falsche Aschuldigunge vo Markeverletzig ihrem Bsitzer wegz'neh. Deilwies ware sälli Verfahre sogar erfolgrich. Sälli Praxis wird au reverse cybersquatting gnennt.
[ändere] Lueg au
- Domaingrabbing
- Domainregischtrierig
- Domainnamenrächt
- Domain Name System (DNS)
- Top Level Domain (TLD)
- Typosquatting
- Reverse Domain Hijacking
- Uniform Resource Locator (URL)
- Internet Service Provider (ISP)
