Brock University

Us der alemannische Wikipedia, der freie Dialäkt-Enzyklopedy

Bild:Brocklogo.gif
Motto	Surgite! Push on! (Vürschi! Ganget witer)
Gründig	1964
Uni-Typ	Öffentlich
Rektor	Raymond Moriyama
Präsident	Dr. Jack Lightstone
Ort	St. Catharines, Ontario
Aazagl vo Schtudente (2003-2004)	14,669 Undergraduates un 858 Graduates
Campus Umgebig	Niagra Buckel
Sports Mannschaft	Badgers
Maskot	Boomer the Badger
Uni Farbe	Rot un Wys

D’Brock Universität isch ä allgemeini Universität z’St. Catharines i Kanada. Brock hät 16.000 Schtudente. D’Universität isch eini vo dä am schnellschte waggsendi Universitäte z’Ontario un isch 2003 vo Schtudente als zweitbeschti Universität vo Kanada beurteilt wôrre. 97.2% vo Schtudente miteme Abschluss vo Brock finde ä Arbet, eini vo dä höggschti Quote vo Ontario.

Brock isch ä relativ jungi Uni un isch 1964 gründet wôrre um d’Usbildig vur Baby Boom Generation bwätige z’chönne. Sytdem isch d’Uni immer wider erweitret wôrre un bietet jetz ä reihi vo Programe aa. Ufem Campus wird praktisch ununterbroche baut; d’Uni hät i dä letschti Jôhr $100 millione inveschtirt. Allerdings isch d’Ufnahmi vo weitri Schtudente über dä jetzigi 16.000 nüt vorgsehe. D’meischti (14.669) vo dä Schtudente sin imene Undergraduate program (also eme program wo zumene Bachelor führt). Brock bietet au ä Graduate Program aa, allerdings göhn d’meischti Schtudente do defür aa andri Unis. Über 70% vo dä Brock-Schtudente chömme us usserhalb vur Niagara Region, d’höggschti Aazahl vo uswertigi Schtudente i ganz Kanada. Usserdem schtudire circa 1.000 Usländischi Schtudente aa Brock.

Brock isch nôchem Britische General Sir Isaac Brock bnannt wo im Krieg vo 1812 i dr Schlacht vo Queenston Heights um s’Labe cho isch. Syni letschti Worte solle “Surgite! Push on! ” (Vürschi! Ganget witer [sähr freii Übersetzig]) gsi sy. Säll isch s'Motto vo Brock.

Brock hät au ihri eigni Schülerzitig, d' The Brock Press wo jede Zischtig erschynt. Alli Schtudente sin Mitglied i dr Schülergwerkschaft, dr Brock University Students’ Union (BUSU). D'Schtudente vo Brock hän z'St. Catharines än eher guete Ruef, allerdings hät sich des i dä letschi zwei Jôhr zum Teil gändret; vorallem wegem schlachte Benehme vo mangi Schtudente un dr Tendenz vo Eiheimischi d’Schtudente im allgemeine für alles verantwortlich z'mache. D'Schportmannschaft vo Brock sin d'Brock Badgers.

Im Novämber isch Dr. Jack Lightstone zum nöje Präsident un Vize-Kanzler ernannt wôrre. Er soll im Juli 2006 s'Amt übernäh.

[ändere] Weblinks

Offizielli Syte (natürlich uf Änglisch)

	Unis in Ontario
Brock | Carleton | Guelph | Lakehead | Laurentian | Laurier | McMaster | Nipissing | OCAD | Ottawa | Queen's | RMC | Ryerson | Toronto | Trent | UOIT | Waterloo | Western | Windsor | York
Colleges