Bigfisch
Us der alemannische Wikipedia, der freie Dialäkt-Enzyklopedy
Bigfisch (mängisch au Bigfish gschriibe) isch e jungi Musikgruppe us em Oberwallis (Schwiiz). D'Gruppe hett sich 2005 zämmegfunde. Ihri Lieder sin fasch usschliesslig uff Wallisertiitsch und handle au meischtens vo Oberwalliser Lokalthemene. Entsprächend dien sie au fascht nume im im Oberwalliser Konzärt gee. Si sin im Oberwallis zimli populär.
Bigfisch bestoot us dr Stefanie Heinzmann (Gsang), Ephri Salzmann (Drumset) Dani Blatter (E-Gitarre), em Marco Mazotti (Bass) und em "Blues-Ralph" (Gsang).
Dur d'Solokarriere vo dr Stefanie Heinzmann isch au ihri Gruppe Bigfisch in dr Üsserschwiiz (wie d'Walliser die andere Schwizer Kantön usser em Wallis nenne) und gar international bikannt worde.
[ändere] Chumm ins Wallis
Chumm ins Wallis isch die erscht Single (EP) vo Bigfisch (2007). Tracklist: Chumm ins Wallis - Seeluverwandt - Mahlzit - Märliland - Remix Chumm ins Wallis.
Ihre Titel "Chumm ins Wallis" isch vom Radio Rottu Oberwallis zem gröschte Walliser Hit vo allne Zyte gwählt worde.
