Sierras Grandes
vanuit Wikipedia, die vrye ensiklopedie.
Die Sierras Grandes is 'n bergreeks in die weste van die provinsie Córdoba (Sentraal-Argentinië) wat deel uitmaak van die Sierras de Córdoba en oor 'n lengte van sowat 100 kilometer in noord-suidelike rigting tussen die stede Cruz del Eje en Alta Gracia loop waar dit oorgaan na die Sierra de los Comechingones.
Die hoogste bergspits is die Cerro Los Gigantes met 2 390 meter. Teen hoogtes van 1 800 en 2 100 meter lê 'n aantal hoogvlaktes, die Pampas Serranas, wat deur 'n ruwe klimaat gekenmerk word.
Die Nasionale Park Quebrada del Condorito lê in die suidelike Sierras Grandes; 'n ravyn dien hier as 'n belangrike broeiplek vir kondors, Suid-Amerika se bekendste roofvoël-spesie. Die toeristeoorde Mina Clavero en Nono lê aan die voet van die Sierras Grandes.
