Lei
vanuit Wikipedia, die vrye ensiklopedie.
Die Hawaiïese term lei (meervoud: nā lei) verwys na die tipiese blommekrans van Hawaiï wat van bloeisels (byvoorbeeld dié van orgideë), sade, vere of ander materiale vervaardig en as 'n groot halssnoer gedra word.
Belangrike persoonlikhede (ali'i) word net soos gaste volgens die Hawaiïese tradisie met 'n lei vereer. Die kranse word daarnaas ook tydens feestelikhede gedra. Met die opkoms van toerisme op die Hawaiï-eilandketting het leis in die 19de en 20ste eeu ook deel van die eksotiese begroeting by die aankoms van toeriste of by toeristefeeste geword. Die lei het sodoende 'n simbool vir Hawaiï en sy lewensstyl geword.
