Furet
Èn årtike di Wikipedia.
Li furet, c’ est ene sôre di vexhåd k’ a stî aclevé.
On s’ endè sieve po tchessî ås såvaedjès robetes. Tchessî å furet si dit « furter ».
Si aclevaedje a stî disfindou el Walonreye el kimince do 20inme sieke.
Dins sacwants payis, li furet a divnou ene biesse di cpagneye.
No e sincieus latén : Mustela putorius furo.
Ådvins |
[candjî] Aclevaedje
[candjî] Sognaedje
On lzî dene des oûs, laecea, do froumaedje, do foete. Å Marok, on les sogne avou do pwin et di l' ôle d' olive.
Les cis k' ont rtourné såvaedje apicèt eto des rinnes, des soris, des cwate-peces.
[candjî] Mopliyaedje
Li mere k' est e tcholeurs (e moes d' måss e Marok), ele grete tofer après s' cadje. Elle est tote frexhe dilé s' nateure.
On l' va mete å måye, et l' leyî la ene dijhinne di djoûs.
Les djonnes crexhnut rade. A deus troes moes, on les pout ddja dressî po-z aler al tchesse.
[candjî] Li furtaedje
Po tchessî avou, i nel fåt nén abitouwer a magnî del tchå. Ôtmint, i vos golafrè les robetes ådvins del terêye, estô di vs les rapoirter.
On cwirt tos les trôs d' ene terêye di robetes. On mete ene havroûle so totes les rexhowes, apus k' ene : li cene k' on va stitchî l' furet dvins. Dins les rotches, cwand gn a k' ene gueuye al terêye, on tchôke li furet, pus mete on saetch sol gueuye do trô.
[candjî] No dins des ôtes lingaedjes
(lomaedjes nén co so Wiki)
- arabe : باقع (baqii)
- arabe marokin : النمس (en-nems)
Li furet a stî apoirté e Marok dandjreus d' Urope. Il a ridivnou såvaedje dins les bwès et les falijhes do Rif.
