Peter Ernst von Mansfeld
Uit Wikipedia
| 1517 – 1604 | ||||||
|---|---|---|---|---|---|---|
 |
||||||
| Landvoogd van de Spoansche Nederlandn | ||||||
|
||||||
|
Peter Ernst von Mansveld (Saksn, 20 juli 1517 – Luxemburg, 22 meie 1604) was e stoatsman, veldmoarschalk by ’t Spoans leger en landvoogd van de Spoansche Nederlandn van 1592 tout 1594.
[bewerkn] Zyn leevn
Mansfeld was de dertienste zeune van Ernst II von Mansfield-Vorderort en z’n twidde vrouwe Dorothea, groavinne van Solms. Je was ols joungn edelman in dienst van Karel V no de Nederlandn gekommn en o Karel in 1535 ip expeditie no Tunis vertrok gingt ’n mee. In 1545 wierd ’n benoemd tout gouverneur van Luxemburg.
In 1562 stound Mansfeld eest an de kant van d’ipstandige edeln, teegn ‘t besteur van Filips II, mor achter ’t vertrek van Granvelle trokt ‘n em were uut de oppositie en je verzetteg em teegn ‘t ‘’Verbound der Edeln’’. Achter de Beeldnstorm wierd ‘n zelfs één van d’importentste roadgevers van landvoogdesse Margaretha van Parma. Noadien vocht ’n mee in d’n Tachtigjoarign Oorlog, ounder Don Juan en Alexander Farnese.
[bewerkn] Landvoogd van de Spoansche Nederlandn
In 1590, binst da Farnese in Frankryk vocht, kreeg Mansfeld ’t besteur ad interim. Achter d’n dood van Farnese, in december 1592, kreegt ’n de vaste functie van landvoogd tout dat aartsertog Ernst van Oostnryk ’t in 1594 van em over pakte. In 1595 trokt ’n em were ip z’n landgoed in Luxemburg woa dat ’n in 1604 gestorvn is.
[bewerkn] Vrouwn
Peter Ernst von Mansveld is drie of vier kis getrouwd gewist. Z’n twêe êeste vrouwn woarn:
- Margaretha van Brederode, zuster van Hendrik van Brederode
- Maria van Montmorency, zuster van Filips van Montmorency, groaf van Horne
