Premio Nobel
Da Wikipedia, ła ençiclopedia libara.
El Premio Nobel el xe un inportante riconosimento che a partir dal 1901 el ghe vien dato ogni ano a quei che ga contribuio pi de tuti al benesere de l'umanità, fasendo de le inportanti invenzion o descoverte sientifiche o laorando par portar la pace nel mondo. L'è nato par iniziativa del svedese Alfred Nobel, l'inventor de la dinamite, che nol volea esar ricordà solo par ver inventà un strumento de morte. Elora nel 1895, un anno prima de morir, el ga lasà un testamento disendo che i so schei i dovea servir par istituir un premio da darghe ogni anno a quei che s'avea distinto nel canpo de la fisica, de la chimica, de la medizina, de la leteratura e de la pace. Par finanziar sti premi el ga lasà 31 milioni de corone svedesi (pi de zento milioni de dolari mericani de ancó). Dal 1969, oltre a sti zinque premi, ghe xe anca el premio Nobel par l'economia.
