Michele Grimani
Da Wikipedia, ła ençiclopedia libara.
Michele Grimani (1697-1775) el xe sta on patrizsio venezsian, del ramo dei Grimani de Santa Maria Formosa, una dełe fameje pì siore potenti de Venezsia. El ga maridà 'ntel 1736 Pisana Giustinian Lolin. 'Ntel 1748 el xe sta ełeto senadore.
Proprietario del teatro San Samuele de Venezsia, el xe sta on avedù mecenate, promovendo, con sielta sicura, el suceso de notevołi ingegni come el Goldoni. Ła voxe popołare ła ghe ga atribuìo ła paternità de Giacomo Casanova che el sarìa nato da 'na rełazsion extraconiugałe con ł'atrice teatral Zanetta Farussi, a ł'epoca (1725) de dixisete ani, che ła gera drio scuminzsiare in quel periodo 'na briłante cariera.
