Lago Kivu
Da Wikipedia, ła ençiclopedia libara.
 |
| I Grandi Laghi de l'Africa |
El Lago Kivu el xe ono de i Grandi Laghi de l'Africa. El se cata en te la Rift Valley, ramo ovest o Rift Albertino, tra la Republica Democratica del Congo e el Ruanda. El so emisario, el fiume Ruzizi, el se buta en tel Lago Tanganica.
[modifica] Storia
El conte todesco Adolf von Götzen el xe stà el primo eoropeo a rivar a el lago Kivu en tel 1894. El lago el xe sempre stà na zona tranquila abità da pescadori. Durante la guera civile del 1994, i corpi de i hutu e de i tutsi copadi su le rive i xera butà en tel lago. Co la guera en Congo, on milion de rifugiati iè scapà en Ruanda. Al campo de Gisenyi i rifugiati gha tajà zo la foresta che vegnea zo da i monti Virunga.
[modifica] Giografia
El lago el se cata a 1.460 m de altitudine e el xe incuneà en te la Rift Valley doe la crepa la se stà slargando. Par questo, anca se el lago no el xe grando (2.700 km²), el xe profondo 480 mt.
Ntorno al lago se cata sità importanti – Bukavu e Kabare en Congo; Gisenyi en Ruanda. En tel lago ghe l’ixola de Idjwi. Se cata de i pesi de le specie Barbus e Clarias che se cata solo che qi.
[modifica] Acque pericolose
L’atività vulcanica soto el lago produzse de le eruzsioni che le se ciama limniche. El gas (metano e anidride carbonica) filtra en te le acque e copa tuti i esari viventi ogni 1.000 ani circa. En Africa ghe altri do laghi de sto tipo en Camerun, i laghi Nyos e Monoun. No se sa quando ghe sarà la prosima catastrofe, ma tuta la popolazsion che la vive rente al lago (do milioni de persone) la xe a riscio.
Portałe Africa: varda łe altre voxe de Wikipedia che łe parla de Africa
