Giustiniana Wynne
Da Wikipedia, ła ençiclopedia libara.
Giustiniana Wynne (Venezsia, 21 de genaro 1737 – Padova, 22 de agosto 1791) ła xe stà na scritrice e e avventuriera venezsiana.
Indice |
[modifica] Biografia
Fioła de on gentleman inglexe, Richard Wynne e de on'itałiana, Anna Gazini, ła xe nata a Venezsia. Ł ga vivesto a Venezsia, Parigi e Łondra. Ła xe sta amiga de Giacomo Casanova.
Ła ga intrategnù 'na rełazsion con Andrea Memmo, on patrizsio de primo piano 'nte ła Republica de Venezsia, che ła ga destà on notevołe scandało, łasiando 'nte i du protagonisti 'na tracia profondisima che ła xe durà tuta ła vita. Ł'epistołario dei du, de 'na freschezsa e briłantezsa notevołi, el xe sta conservà in vari framenti e i costituise on interesantisimo spacato che el documenta ła vita quotidiana del Setezsento.
Dopo el matrimonio con el vecio conte Orsini Rosemberg (1692-1765), avegnù 'ntel 1761, e ła sucesiva vedovanzsa, ła xe ritornà a Venezsia 'ntel 1770, scuminzsiàndo 'na cariera de scritrice otegnendo on discreto suceso. Ła se ga trasferìo in seguito a Altichiero (Padova), 'nte ła viła de Angelo Querini, dove ła ga trascorso serenamente i ultimi ani, briłando 'nte i sałoti par ła so finezsa e cultura. Ła xe morta prematuramente a 54 ani.
[modifica] Opare
- "Du sèjour de comtes du Nord à Venise", Łondra (1782)
- "Moral and Sentimental Essays" (2 voll.), Łondra, (1785)
- "Pièces morales et sentimentales" (2 voll.), Łondra (1785)
- "Il trionfo dei gondolieri", Venezsia (1786)
- "A André Memmo Chevalier de l'Etoile Dor et procurateur de Saint Marc..." Venezsia (1787)
- "Alticchiero", Padova (1787)
- "Les Morlacques", Modena (1788), in cołaborazsion con Bartolomeo Benincasa.
[modifica] Łivri
- Bruno Brunelli Un'amica del Casanova, Firenze, Sandron (1923)
- Nancy Isenberg Mon cher frère: Eros mascherato nell’epistolario di Giustiniana Wynne a Andrea Memmo (1758-1760), in Trame parentali/trame letterarie, a cura de M. Del Sapio, Napułi, Liguori (2000), pp. 251-265.
- Andrea di Robilant Un amore veneziano, Miłan, Mondadori (2003)
[modifica] Documenti
Ato de batesimo
Adì 26 Gen.o 1736 M.V.
Giustiniana Franc.ca Antonia figlia di S. Ecc.za Ricardo Wynnè del q.m Ecc.za Sig.r Ricardo Winnè K.r Inglese, e della Sig.ra Anna del Sig.r Filippo Gazini nata lì 21 corrente in Rio della Sensa. Comp.e il N.H. Daniel Giustinian fu del q.m Girol. di Contrà di S. Pantalon. Com.e Paulina Foresti di S. Moisè. Battezzò il Pievano.
Archivio Parochial deła cexa di Santi Ermagora e Fortunato (San Marcuola): Ati de battesimo. (Da B.Brunelli op. cit. p.3).
