Ergativo
Da Wikipedia, ła ençiclopedia libara.
El caxo ergativo l'è na fórma de ła declinazsion de łe łéngue ergative che ła serve par segnar soło el sojeto dei verbi tranxitivi cioè quei sojeti i che ghe fa efetivamente calcosa a calcheduni altro invezse che soło a łuri stesi. El sojeto dei verbi intranxitivi invezse el vien segnà come se'l fuse un conpleménto ojeto direto.
Par exenpio in basco:
- verbo tranxitivo, "ekarri" portar: "Gizonak liburua dakarkit" (l'omo erg. el xe drio portarme el libro oj.dir.)
- verbo intranxitivo, "etorri" vegner: "Gizona datorkit" (l'omo soj. l'è drio vegner da mi)
El sojeto intranxitivo "gizona" el ga l'asołutivo conpagno de l'ojeto direto "liburua" parché el vien sentìo come un sojeto senplice (el se sposta verso de mi) mentre invezse el sojeto tranxitivo "gizonak" el ga l'ergativo parché el vien sentìo come agente cioè uno che 'l fa na azsion su calcosa altro (el sposta el libro verso de mi).
In basco donca i verbi come "vegner, ndar, tornar, cascar, rìdar, dormir" i ga sojeti asołutivi mentre i verbi tipo "portar, ciapar, magnar, vardar, védar, sentir, catar, saver, lèzar evc..." i ga sojeti ergativi.
Altre łéngue łe ga sistemi misti, che i se baxa sia su ergativo-asołutivo sia su acuxativo-nominativo.
| Caxi | |
|---|---|
 |
Abesivo - Ablativo - Acuxativo - Adessivo - Ałativo - Asołutivo - Comitativo - Dativo - Dedativo - Delimitativo - Ergativo - Elativo - Essivo - Genitivo - Illativo - Inessivo - Locativo - Nominativo - Partitivo - Perlativo - Posesivo - Pospositivo - Prolativo - Partitivo - Strumental - Tendenzial - Terminativo - Traslativo - Vocativo |
| Voxe de lenguìstega |
