Angelo Emo
Da Wikipedia, ła ençiclopedia libara.
Angelo Emo (Venezsia, 3 de genaro 1731 – Malta, 3 de marzso 1792) el xe stà un ammiraglio venezsian. El xe sta ł'ultimo grande e geniae Capitano da mar deła Serenisima Republica de Venezsia. Sin da xovane el se gera aruołà 'nte ła marina venezsiana, a ł'epoca decadente e vecia, el ga fato presto cariera grazsie ałe so capacità e ałe so idee inovative.
Ciapà dała cariera no 'l se ga mai maridà.
Diventà amirajo el ga amodernà ła flota introduxendo novi tipi de navi, e el xe riusìo a migliorar el niveło dei marinai.
Vivendo inte on'epoca de asołuta pace par ła so Republica el ga avù soło 'na posibiłità par metarse in evidenzsa dal punto de vista miłitare: soto el dogado de Paolo Renier łe continue incursion de pirati arabi łe danegiava el marcà e łe rote maritime venezsiane, e se gheva decixo de punirli par questo.
Dopo aver guidà ła flota e aver batù façilmente in mare i nemighi, l'Emo, quando esi i se gheva rifuxà 'nte i so porti proteti, el ga avù ła bona de bonbardare i porti (Sfax, Tunixi, Bixerta, par citarne soło alcuni) tramite ł'utiłizso de alcune chiate, fate sivołare sol fondo pałudoxo viçin a ł'inboco dei porti (1785-1786).
Dopo ła pace el ga tentà on'ulteriore riforma deła marina venezsiana, ciapando a modeło ła flota britanica.
Angelo Emo el xe morto inprovisamente so ł'ixoła de Malta, el 3 de marzso 1792, e el xe sta sepolto con grandi onori dai so marinai, che i ło gaveva senpre stimào e aprezsà.
