Гавазн
Аз Википедиа
Гавазн (Cervidae), хайвонест ҷуфтсум; шохҳои панҷадори дароз дорад. Дар дунё 40 намуди гавазн маълум буда, дар Аврупо, Осиё, Африқои шимоли ва ҷанубӣ паҳн шудааст. Дар собиқ СССР 6 намуди гавазн ( гавазни шимолӣ, шоҳгавазн, оҳу, гавазни холдор, лан ва хонгул) мавҷуд буда, аз он дар Тоҷикистон танҳо хонгул вомехӯрад. Гавазн ҳайвони базебу чолок мебошад. Пойҳои дарозу боқувват, думи кӯтоҳ ва гӯшҳои дарозу калон дощта, бештар мала ё бур (ҷавонаи гавазн аксар холдор) мешавад. Дар беша, бешатундра, тундра, инчунин, ҷангали кӯҳсор зиндагӣ мекунад. Ҳайвони алафхӯр, дар 1,5 – солаги болиғ мешавад. Гавазни мода 1 – 2 бача мезояд. Дар мамнуъгохи «Ромит» ва «Полвонтугай» - и Тоҷикистон бештар аз 500 сар хонгул нигоҳ дошта мешавад. Хоҷагиҳои ҷангали чумҳури ба муҳофизат ва афзоиши саршумори онхо эътибори ҷидди медиҳанд. Шикори он қатъиян манъ аст.
 |
Ин мақолаи нопурра аз фанни зоология мебошад. Шумо метавонед бо пурракардани ин ба Википедиа кӯмак кунед. |
