அல் கைடா

கட்டற்ற கலைக்களஞ்சியமான விக்கிபீடியாவில் இருந்து.

அல் கைடா القاعدة‎
தலைவர்	ஒசாமா பின் லாடன் Ayman al-Zawahiri
தொடக்கம்	1988
உறுப்பினர்	தெரியாது
பன்னாட்டு கூட்டு	ஆப்கானிஸ்தான், ஈராக் மற்றும் உலகமுழுவதும்

அல் கைடா ஜிகாத் கொள்கையுடைய பன்னாட்டு சுணி முஸ்லிம் ஆயுதக்குழுக்களின் ஒன்றியமாகும். இவ்வியக்கம் 1989 ஆம் ஆண்டில் அப்கானிதானில் இருந்து சோவியத் படைகள் வாபஸ் பெற்ற காலத்தில் ஒசாமா பின் லாடன் மற்றும் சிலரால் தொடக்கப்பட்டதாகும். ^[1] முஸ்லிம் நாடுகள் மீதான வெளிநாட்டு பாதிப்புகளைக் இல்லாதொழித்து முகமது நபியின் காலத்தை ஒத்த ஒரு தலைவருக்குக் கீழான இசுலாமிய இராச்சியத்தை உருவாகுதல் அல்கைடாவின் முக்கிய கொள்கைகளில் ஒன்றகும்.

அல் கைடா பல உலக நாடுகளிலும் பன்னாடு நிறுவனங்களாலும் பயங்கரவாத அமைப்பாகத் தடைசெய்யப்பட்டுள்ளது. இவற்றுள் ஐக்கிய நாடுகள் பாதுகாப்பு அவை, ^[2] நேட்டோ, ^[3][4] ஐரோப்பிய ஒன்றியம்,^[5] ஐக்கிய அமெரிக்க நாடுகள்,^[6] அவுஸ்திரேலியா,^[7] கனடா,^[8] இசுரேல்,^[9] யப்பான்,^[10] the நெதர்லாந்து,^[11] ஐக்கிய இராச்சியம்,^[12] ரஷ்யா,^[13] சுவீடன்,^[14] சுவிட்சர்லாந்து^[15] என்பவை முக்கியமானவையாகும். அல்கைடா உறுப்பினர்கள் உலகின் பல நாடுகளிலும் தாக்குதல்களை மேற்கொண்டுள்ளனர். இவற்றுள் செப்டம்பர் 11, 2001 தாக்குதல்கள் முக்கியமானவையாகும். செப்டம்பர் 11 தாக்குதல்களுக்குப் பிறகு ஐக்கிய அமெரிக்க அரசு அல் கைடாவுக்கு எதிராக பாரிய புலனாய்வு மற்றும் இராணுவ நடவடிக்கைகளை மேற்கொண்டுள்ளது.

அல் கைடாவின் தனித்தியங்கும் சிறு குழுக்கள் காரணமாகத் தாக்குதல்களுக்கான சூத்திரதாரிகளை இனம்காண்பது கடினமாகும். அல் கைடாவுக்கு எதிரான அரசுகள் அல் கைடாவின் உலக நீட்சியை ஏற்றுக் கொள்கின்றன.^[16] இருப்பினும் அல் கைடாவின் உறுப்பினர் தொகை அதிகரிக்கப்பட்டு காண்பிக்கப்படுவதாக கருத்தும் உண்டு. ^[17] என்பது அல் கைடாவுக்கு ஆதாரவாகவோ அல்லது அவர்களைப் பின்பற்றி அதே பாணியிலும் அல் கைடாவுடன் தொடர் பற்ற வேறு சிறு குழுக்கள் பயங்கரவாத நடவடிகைகளில் ஈடுபடுவதை "அல் கைடாயிசம்" எனலாம்.^[18]

[தொகு] மேற்கோள்கள்