Palluni (sport)
Di Wikipedia, la nciclupidìa lìbbira.
Lu jocu dû palluni è lu sport di squatra cchiù diffusu e canusciutu ntô munnu, si joca intra un campu longu circa centu metri e largu ottanta, li jucatura sù divisi intra dù squatri di ùnnici cumpunenti l'una, di cui unu è lu purteri ca pò pigghiari a palla cu li manu intra la sò ària e tutti l'àutri sù jucatura ca ponnu tuccari la palla sulu cu li pedi o cu la testa o comu è gghiè cu tutti li parti di lu corpu tranni li manu e li vrazza, lu jocu cunzisti nni mannari la palla intra la porta di l'àutri, na zona di lu campu dilimitata di tri pali, dù virticali e unu orizzuntali misu 'n capu a chiddi virticali e longa setti metri. Li jucatura sù divisi, a parti lu purteri, intra tri tipi di roli funnamintali, li difinzura, li centrucampisti e l'attaccanti. Asìstinu diversi urganizzazioni ca cuurdìnanu lu munnu dû càuciu a liveddu munniali (FIFA), europeu (UEFA) e nazziunali, 'n Italia l'òrganu ca cuntrolla lu càuciu si chiama FIGC.
[cancia] Lu palluni ntô sud di l'Italia
Lu palluni è cirtamenti l'attività spurtiva cchiù praticata dî carusi dû sud di l'Italia. A liveddu prufissiunisticu, pirò, li squatri dû sud nun sunnu a liveddu e 'n quantità di chiddi dû nord. Siddu si eccettua lu Napuli di Diegu Maradona chi vincìu dui scudetti, li suli squatri dû sud chi sunnu rapprisintati a liveddu àutu sunnu lu Palermu, lu Catania e la Riggina. Lu Missina, comu puru lu Bari e lu Lecce sunnu àutri squatri chi n tempa ricenti jucaru 'n Seria A, lu màssimu campiunati nazziunali. Tra li jucatura na traccia ndilèbbili fu lassata dû sicilianu Totò Schillaci chi fu capucannunèri dû munniali jucatu 'n Italia ntô 1990.
[cancia] Viditi puru:
- Campiunatu munniali di palluni
- Campiunatu Europeu di Palluni 2008
- Seria A (palluni)
- Italia (squatra di palluni)
| Sport |
|---|
| | Catigurìa:Sport | Sport di squatra | Sport ndividuali | |
