Adranon (Adranu)
Di Wikipedia, la nciclupidìa lìbbira.
Adranon è n'antica cità ca era misa unni ora c'è la citati di Adranu ntâ pruvincia di Catania.
Lu tirritoriu di Adranu, pi la sò ricchizza d'acqui ca vènunu dû bacinu idrugràficu dû virsanti uccidintali dû vurcanu Etna, pê pàsculi e voschi, hà statu occupatu di l'omu già di li cchiù antichi èbbichi.
La zona di Adranu era abbitata macari nta l'etati preistorica, accussì comu sapemu chê scavi cumannati di Luiggi Bernabò Brea e Pàulu Orsi, ca purtaru a la scuperta 'n cuntrata Mendolito di nùcrii abbitati nta lu Mesolìticu, àutri ritruvamenti ci foru ntê cuntrati Funtanazza, Pìlica, Fogliuta, Maccaruni, Pellegriti e Petralonga unni s'attruvaru riperti dô piriudu Neolìticu.
Ntâ cuntrata Funtanazza, sutta û Poggiu Santa Maria, la prisenza di nummirusi ossa d'armali e utènzili 'n petra schiggiata fanu pinzari a la prisenza di nu "killing-site" (ària pi la macillazzioni di l'armali). Ntâ stissa lucalità, ntô 1976, vinni attruvata na sipurtura, circundata di nu cerchiu di petri, unni ô sò centru vinìa misu lu difuntu, 'n pusizzioni rannicchiata sùpira nu lettu di ocra.
Granni mpurtanza havi la nicròpuli rupestri cu tombi scavati ntà petra e cu nu pocu di chissi fatti câ "cùpula a tholos", di unni pruveni assai ciràmica rifirìbbili a la cultura di Castellucciu (ciràmica cu segni caratterìstichi bruni e nìuri supra fonnu giallu – russu, risalenti â prima etati dû bronzu).
| Siti archiològgichi dâ Sicilia | |
|---|---|
 |
Adranon (Adranu) • Akragas (Girgenti) • Akrai (Palazzolu Acrèidi) • Antichitati di Catania • Cullina di Sant’Ippòlitu • Castellucciu • Catacombi di Sarausa • Cefalù • Centuripe • Colle Madore • Eloru • Eraclea Minoa • Imera • Isole Egadi • Isole Eolie • Kamarina • Marsala • Megara Hyblaea: • Mozzia • Panormo (tutto porto) • Sammuca Zabut. • Monte Adranone • Seggesta • Parcu Archiòloggicu dâ Neapolis • Pantalica • Silinunti • Ustica • Villa Rumana dû Casali (Chiazza) • Villa Rumana di Castruriali • Villa rumana dû Tellaru |
