Aruba

Di Wikipedia, e ensiklopedia liber

E artículo aki ta skibí na papiamento. Lo ta apresiá si por mantené e artículo aki na estilo di papiamento.

---

Aruba

Bandera Wapen
Himno: Aruba Dushi Tera
Capital	Oranjestad
Stad mas grandi	Oranjestad
Idioma(nan) oficial	Hulandes , Papiamento desde 2003
Forma di gobernacion - Reina - Gobernador - Prome Minister	Democrasia parlamentario Monarkia constitucional Beatrix Fredis Refunjol Nelson O. Oduber
Pais den Reino di Hulanda Status aparte	1 Januari 1986
Area  - Total  - Awa (%)	193 km² (n/a) {{{persentahe_awa}}}
Populacion  - 2005 est.  - Densidad	110.000 (n/a) 569/km² (n/a)
Moneda	Florin (533) (AWG)
Zona di tempo	(UTC-4)
TLD di internet	.aw
Codigo pa yama	+297

Aruba ta un isla cu geograficamente ta keda den e parti mas suid di e Lama Caribe(e ta situa 27 km nort di e Peninsula di Paraguaná, Estado Falcón, Venezuela. E islanan Aruba, Bonaire y Curaçao, tur tres situa dilanti di e costa nort di Suid-America, tambe ta wordo yama e islanan ABC. Aruba ta un pais cu como estado-miembro ta forma parti di e Reino Hulandes como un partner igual, hunto cu Antiya Hulandes y Hulanda como un pais autonomo, difini como Status Aparte cual ta na vigor desde 1 januari 1986. Prome cu 1 januari 1986 Aruba tabata forma parti di e pais Antiya Hulandes, cu a wordo funda pa e Hulandesnan mas bien como un pais administrativo di e seis islanan Aruba, Bonaire, Curaçao, Saba, Sint Eustatius y Sint Maarten cu a wordo poni hunto.

Kontenido 1 Historia di Aruba 2 Politica 3 Economia 4 Geografia 5 Educacion

[editá] Historia di Aruba

E prome habitantenan di Aruba tabata e Indjannan Arowako cu a bin for di Venezuela. Alonso de Ojeda, un explorado Spaño, a descubri Aruba rond di 1499 y asina Aruba a wordo ocupa pa e Spañonan. Na aña 1636 Aruba a wordo ocupa pa e West Indische Compagnie di e Hulandesnan, cu na aña 1791 a stop di existi. Aruba a sigui como colonia Hulandes bou di e Bataafse Republiek y despues Republiek der Nederlanden. Na 1805 e Inglesnan a ocupa Aruba pa un tempo corto unda cu e Hulandesnan a ocupa Aruba bek na 1816 y unda te awo nos ta bou ocupacion Hulandes formando parti di e Reinado Hulandes. Den e temporada despues di 1816 Aruba tabata forma parti di e kolonianan West-Indische te na aña 1845 ora cu a forma Antiya Hulandes cual Aruba a keda forma parti di dje te cu 1986. Danki na Shon A Eman, Juancho Yrausquin & Betico Croes, Aruba a logra haña su Status Aparte riba 1 januari 1986.

[editá] Politica

Mas tocante elecionnan di Aruba: Elecionnan na Aruba

Como cu Aruba ta miembro di Reino Hulandes, e politica di Aruba ta riba e forma di un democracia parlamentario, unda tin un cabinete di Ministronan consistiendo 8 Ministero nombra for di Parlamento. E parlamento tin 21 miembro cual ambos ta wordo eligi door di pueblo pa sinta un termino di 4 aña. E Gobernador di Aruba, cual ta representa La Reina na Aruba, ta wordo nombra pa un termino di 6 aña.

Delaster elecion a tuma lugar na december 2005 y e siguinte elecion lo tuma lugar of na december 2009 of januari 2010, na cual e partido na mando lo bay cas pa semper.

[editá] Economia

Articulo Prencipal: Economia di Aruba

Aruba ta gosa di un di e norma di biba mas halto den e region Caribe, cu un porcentage hopi abou di pobresa y desempleo. Mas cu mitar di Produccion National Bruto ta wordo genera den e sector turistico. Turismo ta un di e pilarnan mas grandi pa e economia cu turista procedente di Merca, Canada y Europa. Merca ta e partner mas grandi cu Aruba ta haci transaccion economico cune. Un deficed den e presupuesto di Gobierno di Aruba ta algo cu ta comun cual ta contrubui na e percentage halto di inflacion. Aunke Gobierno tin intencionnan pa corigi e mal custumber aki pa cu 2009. Pa añanan caba Aruba ta haña ayudo financiero di Hulanda. E florin Arubiano ta mara na un tarifa fiho di AWG 1,75 = US$ 1.00.

[editá] Geografia

[editá] Educacion

Enseñansa ta ocupa un funcion cardinal den e desaroyo di Aruba. Enseñansa na nivel ta un condicion importante pa hendenan suficientemente bon educa ariba e isla.

Como bintidos mil alumno y studiante ta bai scol tur dia na Aruba. Na mas o menos ochenta scol, e alumnonan y e hobennan ta haya e oportunidad pa descubri, desaroya y uza nan propio capacidad.

E sistema actual di Enseñansa na Aruba conoce e siguiente nivel di enseñansa y tipo di scol:

-Enseñansa pre-escolar pa e grupo di edad 0 pa 3 aña; -Enseñansa preparatorio pa e grupo di edad 4 pa 5 aña; -Enseñansa basico pa e grupo di edad 6 pa 11 aña. Fuera di enseñansa basico regular, Aruba conoce tambe:

-Enseñansa special, reparti den: Enseñansa pa muchanan cu tin dificultad pa siña (MKL); Enseñansa pa muchanan cu tin hopi dificultad pa siña (ZMKL); Enseñansa pa muchanan sordo y mudo.

-Enseñansa avansa (AVO/LBO) pa e gruponan di edad 12-15 à 17 aña, reparti den: Educacion Profesional Basico (EPB) cu e ciclo basico y e ciclo di profesion y banda di dje e educacion pa aspirante. E ciclo di profesion ta reparti den: Sector tecnico (T); sector economico (E); sector di cuido (V). enseñansa general secundario (MAVO); enseñansa general avansa (HAVO); enseñansa preparatorio scientifico (VWO).

-Enseñansa post-secundario (MBO/HBO/VWO) pa e grupo di edad 15 pa 17 aña, reparti den: Educacion Profesional Intermedio (EPI); Unidad Ciencia y Tecnologia (CT); unidad Salubridad & Servicio (SS); unidad Hospitalidad y Turismo (HT); unidad Economico (E).

estudio pa maestro di skol (IPA). IPA ta forma docente dinamico y profecional pa drenta scol preparatorio, primario y secundario. IPA tin specialisacion pa bira docente di preparatorio (kleuter), primario (scol basico) y pa bira docente di scol secundario tin actualmente Bachelor Papiamento, IK (informatiekunde) y CKV (Culturele & Kunstzinnige Vorming). IPA tin un seccion nobo cu a start sali na aña 2007 cu ta Movecion y Salud (M&S).

Universiteit van Aruba (UA) Facultad Huridico (JF); facultad Financiero-Economico (FEF). Enseñansa pa adulto pa esnan cu no ta bai scol mas di 15 aña pariba. Tanto e enseñansa pre-escolar como e gran parti di enseñansa pa adulto no ta cai bou di e lei di enseñansa y supervision di Departamento di Enseñansa.

Programa di incorporacionLink title Programa di incorporacion pa enseñansa basico. E programa di incorporacion ta un proyecto di Departamento di Enseñansa y ta cai bou di Directiva di Scol Publico. Pa casi diescuatro aña ta existi na cinco scol basico publico un programa special pa guia muchanan cu un otro idioma di cas, e asina yama PRISMA-project. Y desde 2002 e programa aki ta existi na algun Dependances. Na principio e meta di e proyecto di Prisma tabata solamente pa yuda e muchanan cu un otro idioma na cas cu no ta Papiamento of Hulandes, pa nan por domina den un tempo relativamente corto e idioma Hulandes. Na 2001 a scoge pa e Dependances ora cu a descubri cu tin hopi mucha stranhero bibando na Aruba y cu no ta bai scol. Desde e momento ei e fluho di muchanan stranhero pa Aruba a aumenta bastante. A scohe pa guia nan den e Dependances p’asina no pone un peso extra ariba e scolnan regular y e maestronan na e scolnan aki. Di e forma aki e maestronan por a duna mas atencion na e muchanan naci na Aruba. Pero den transcurso di añanan mas y mas mucha Arubiano a haya ayudo extra den e idioma Hulandes pa medio di e metodo di Prisma. Hulandes ta y lo keda pa e muchanan Arubiano un idioma stranhero y lo no bira nunca nan prome idioma di cas of lenga materno.

Acercamento Tin dos manera di acercamento:

-Na e scolnan basico publico ta saca e alumnonan di Prisma for di klas ora di les di Hulandes y di lesamento. Durante nobenta minuut nan ta haya les di Hulandes y lesamento segun e metodo di Prisma den un local apart. Despues nan ta bai nan klas bek y ta sigui atende e otro lesnan cu nan compañenan di klas. Si resulta necesario, nan ta sigui cu “Taal en Lezen” segun e programa di Prisma te ora cu nan no tin mester di ayudo adicional. E scolnan publico ta traha cu rooster semanal cu ta reparti segun edad. E grandura di e grupo segun edad por varia pa cada “blokuur”; -E Dependances ta scolnan apart na unda gran parti di muchanan stranhero entre 8 y 13 aña ta reparti den gruponan fiho di maximalmente 15 alumno pa klas. E klasnan ta reparti segun edad. Durante henter un aña escolar e alumnonan ta den un Prisma-klas. Durante henter e aña ei nan ta haya solamente e idioma Hulandes y Lesamento segun e metodo di Prisma. Fuera di esei nan ta haya tambe e mesun metodo di Rekenen igual na e otro scolnan basico. Despues di un aña nan ta pasa pa un scol basico of scol avansa igual cu e muchanan di Aruba.

Programa di incorporacion pa studiantenan secundario Desde 2002 ta acepta hobennan entre 14 y 18 aña cu un idioma stranhero apart na un Dependance. Cu ayudo di un programa special nan ta haya preparacion durante un aña escolar pa despues nan pasa over pa enseñansa avansa. Esaki por ta mavo den dia, scol anochi of EPB. Ta reparti e alumnonan aki tambe den grupo di 15 pa klas.

Scolnan Kleuter:
Agnes Kleuterschool	Arubanita Kleuterschool	Ayo Kleuterschool	Cayena Kleuter School
Graf V. Zinzendorf School Kleuterschool	H Imelda Kleuterschool	Jacintha Kleuterschool	Kukwisa Kleuterschool
Mon Plaisir Kleuterschool	Prome Paso Kleuterschool	Rayo Di Solo Kleuterschool	St Jan Kleuterschool
Tarcisius Kleuterschool	Trupial Kleuterschool	Arco Iris Kleuter school
Scolnan Basico:
Cacique Macuarima School	Caiquetio School	Colegio Bon Bini	Colegio Conrado Coronel	Colegio Cristo Rey
Rosario College	St. Dominicus College
Mavo's:
Maria College Mavo	La Salle College Mavo	Filomena College Mavo
Havo/Vwo's:
Colegio Arubano (HAVO/VWO)
VMBO's:
EPB
MBO:
Colegio EPI
Estudionan Academico:
UA (Universiteit van Aruba)	Instituto Pedagogico Arubano (IPA)