Nimes

Un article de Wikipèdia, l'enciclopèdia liura.

Nimes
País / Parçan	Lengadòc/Provença
Estat	França
Region	Lengadòc-Rosselhon
Departament	Gard (prefectura)
Arrondiment	Arrondiment de Nimes (capluòc)
Canton	Capluòc de 6 cantons
Còde INSEE	30189
Còde postal	30000 e 30900
Cònsol Mandat en cors	Joan-Pau Fornier 2008 - 2014
Intercomunalitat	Comunitat d'Aglomeracion de Nimes Metropòli
Gentilici	nimesenc -a
Latitud	43° 50' 16" Nòrd
Longitud	4° 21' 39" Èst
Altitud	21 m (mini) – 215 m (maxi)
Superfícia	16 185 ha = 161,85 km²
Populacion sens comptes dobles	143 000 ab. (2005)
Densitat	883 ab./km²

Anfiteatre roman

Nimes es una vila d'Occitània situada gaireben au limit de Lengadòc e Provença, a 35 km de la Mar Mediterranèa. Administrativament es restacada au departament de Gard e a la region de Lengadòc-Rosselhon.

Lo gentilici es nimesenc, -a.

[Modificar] Istòria

La ciutat de Nimes foguèt creada au sègle VI avans Jèsus Crist ; la vila vèn dau desvolopament d'un oppidum preroman, capitala dei Volques arecomics, un dei grands pòbles de Gàllia.
En 120 avans JC, lei Volques, au cap d'un vast territòri de 24 oppida, acuèlhon sens resisténcia lei Romans. La Colonia Nemausa, la vila galloromana es a mand de nàisser. A partir de 118 avans JC, la Via Domícia religant Itàlia a Espanha es bastida e travèrsa la ciutat. Siguèt un periòde de prosperitat sos lei Romans: leis arenas, l'ostau cairat, la torre magna e lo tèmple de Diana foguèron bastits, e mai lo Pònt de Gard a 50 km de Nimes.

Sos l'Edat Mejana, Nimes subiguèt fortament lei guèrras medievalas. Foguèt un luòc important dei guèrras de religions entre Protestants (lòngtèmps majoritaris dins la vila) e Catolics. Nimes foguèt fòrça influençada per leis idèas revolucionaris, coneguèt la revolucion industriala au sègle XIX que li permeteguèt de se desvolopar considerablament.