Turbulens

Frå Wikipedia – det frie oppslagsverket

Turbulens er eit samleomgrep innom først og fremst straumningsmekanikk (som aerodynamikk og hydrodynamikk), for de straumingane som skjer ved forholdsvis høg fart, store friksjonskreftar og låg viskositet. Ein annan måte å si det på, er at turbulens kan skje ved høge reynoldstal. Det finnast ingen eksakt definisjon av turbulens.

Ein straumning som ikkje er turbulent vert kalla laminær straumning.

Turbulente straumar er tilfeldige på det sett at det ikkje går an å forutse kva for ein fart straumen vil ha på et gjeve sted på et gjeve tidspunkt. Derimot kan det beskrivast statistisk. Det er også ikkje-lineært, då små uroingar kan føre med seg store endringar av straumningane. Jo høgare reynoldstalet er, jo meir følsom er straumen for uroingar og jo større er sjansen for at straumen vert turbulent. Turbulens fører óg med seg ein auka diffusjon, då turbulens kjennetegnast av raskt varierande straumningar i forskjellige retningar.

Ved turbulens dannast relativt store virvlar som etterpå dannar fleire mindre virvlar som i sin tur etter kvart løysast opp gjennom at rørsleenergien vert til varme. Tendensen at storskala-variasjonar etterpå omdannast til småskala-variasjonar gjeld óg for andre skalarar.

Ofte er det fordelar med å maksimere eller minimere turbulensen. Ved kjemiske prosessar som til dømes forbrenning i ein bilmotor, er det ein fordel med mykje turbulens, då dette fordeler gassane betre og gjev ei reinare forbrenning.