Kai

Frå Wikipedia – det frie oppslagsverket

Sjå òg namnet Kai

Vue du quai d'Ovry. Måleri av Henri Rousseau frå 1907.

Kaianlegg på begge sida av elva Yare i Great Yarmouth. Ein ser fortøya båtar, kranar og lagerbygg.
Foto: Ranveig Thattai

Ei kai er ein menneskeskapt landingsplass for båtar bygd langs ei strand eller ein elvebreidde. Kaier kan vera av betong, mur, tre og liknande.

[endre] Bruk

Ved ei kai kan ein fortøya og lossa av og på skip, slik at det gjerne ligg heisekranar og lagerbygg i samband med henne. Ved kaier for passasjerskip har ein likeleis ofte billettutsal og venterom for reisande.

Sidan ho gjev utsyn til vatn kan kaia også nyttast til å spasera langs eller sitja og kanskje også fiska ved. I samband med fiskefartøy kan ein driva med utsal av fisk og skaldyr der. I Paris er kaia langs Seinen kjend for ein annan type utsal les bouquinistes, eller bruktbokseljarar.

[endre] Ordsoge

Ordet er kome til norsk frå nederlandsk kaai, som har ordet frå fransk quai; dette igjen er henta frå keltiske cae, 'sandbanke' eller 'voll'. På engelsk har det keltiske ordet gjeve opphav både til quay, som tyder 'kai', cay, som tyder 'sandbanke', og key, som blir brukt i Amerika med begge tydingane. På fransk bruker ein quai også om perrongar.

[endre] Sjå òg

• Brygge
• Pir

[endre] Kjelder

• Nynorskordboka (kai)
• Oxford English Dictionary (cay, quay, key)
• Trésor de la langue française informatisé (quai)