Essex
Frå Wikipedia – det frie oppslagsverket
Essex er eit grevskap i England. Det ligg i Aust-England, og grensar mot Stor-London, Hertfordshire, Cambridgeshire, Suffolk og Kent. Sistnemnde grense er definert i midten av Themsen. Namnet kjem frå det angelsaksiske kongedømmet Essex, riket til austsaksarane. Administrasjonsbyen er Chelmsford.
Det seremonielle grevskapet består av dei tolv distrikta i det administrative, pluss dei to myndigheitene Thurrock og Southend-on-Sea, som fekk sjølvstyre i 1998. Fram til 1965 inkluderte grevskapet også distrikta Havering, Barking and Dagenham, Redbridge, Waltham Forest og Newham, som i dag er ein del av Stor-London.
