Øya Tustna

Frå Wikipedia – det frie oppslagsverket

Tustna
Tustnafjella sett frå Kvernberget i Kristiansund. Foto: Harald Oppedal
Geografi

Stad	Nordmøre
Koordinatar	63°11′N 08°03′EKoordinatar: 63°11′N 08°03′E
Areal	89 km²
Høgaste punkt	Skarven (896 moh)
Administrasjon
Land	Noreg
Fylke	Møre og Romsdal

Øya Tustna er den største og mest folkerike øya i tidlegare Tustna kommune på Nordmøre. Øya Tustna og resten av tidlegare Tustna kommune høyrer no til Aure kommune.

Innhaldsliste

1 Om namnet
- 1.1 Uttale og bruk
- 1.2 Opphav
2 Topografi
- 2.1 Fjell
- 2.2 Tettstader
3 Biletgalleri
- 3.1 Fjella på Tustna
- 3.2 Utsikt frå Tustna
4 Bakgrunnsstoff
5 Sjå òg

[endre] Om namnet

[endre] Uttale og bruk

Lokal uttale er ['t^hʉs:na] (N/A) med ['t^hʉs:n] (D). Tilstadsform blir ofte uttrykt med preposisjonen «på»+akkusativ og påstadsform ved same preposisjon + dativ:

«E ska på Tussna (A) næste vikkå.» (Eg skal [reise] til Tustna neste veke.)
«E é på Tussn (D) mykjy tå ti’n.» (Eg er på Tustna mykje av tida.)

[endre] Opphav

Namnet vart oftast skrive «Tusteren» på dansk på 1800-talet. På nederlandske kart frå 1600-talet finst namnet i forma «Toester». Ein antek at namnet kjem av norrønt «Þústr» (= ‘slegel’, ‘sliul’, ‘tust’) og at dette står i samband med Stabben på naboøya Stabblandet.

[endre] Topografi

[endre] Fjell

Fjella på Tustna er frå gammalt eit landemerke for sjøfarande, og dei er framleis noko av det som lokkar folk til Tustna.

Sinnsetten (326 moh.)
Jørenvågssalen
- Jurtinden (857 moh.)
- Leirtinden (760 moh.)
- Knubben (680 moh.)
Skarven (896 moh.)
- Dyrkollgrova (469 moh.)
- Seteraksla (511 moh.)

[endre] Tettstader

Gullstein - tidlegare kommunesenter. Gullstein kirke ligg plassert her. Bru over Sålåsundet til Stabblandet.

Leira - ligg midtvegs mellom Tømmervåg og Gullstein på nordsida av Tustna. Staden har utvikla seg til å bli sentrum på Tustna med skule, to daglegvarebutikkar, bilverkstad og andre servicefunksjonar. Idrettsarenaen Høgda stadion, som høyrer til Tustna idrettslag, ligg óg her.

Tømmervåg - sørvest på øya. Tustna ungdomsskule ligg her, i tillegg held ungdomsklubben til her med møter i lokala til Honky Tonk Cruisers, ein bilklubb for amerikanske bilar. Lokala er i ein nedlagd butikk. Frå Tømmervåg fergekai er det ferjesamband til Seivika ferjekai i Kristiansund.