Burundi

Vun Wikipedia

----Burundi (dt.: [[buˈrʊndi]]) is en lütt, aber dicht bevölkerter Staat in Oostafrika. De Staat grenzt in’ Noorden an Ruanda, in’ Oosten an Tansania un in’ Westen an de Demokraatsche Republiek Kongo. De gröttste Deel vun de Grenz to Kongo liggt in de Tanganjika-See. De Hööftstadt is Bujumbura. De Staat is in 17 Provinzen updeelt.

[ännern] Geographie

Burundi is en vun de lüttste Staaten in Afrika mit en Flach vun 27.830 km² aber – ebenso as de Nahberstaat Ruanda – bannig dicht besiedelt (8.390.505 Million Inwahners in 2007, wat 280 Inwahners pro Quadratkilometer maken deiht). Tüschen de Viktoriasee un de Tanganjikasee liggt dat Land, un is vun en Hoochplateau (1.400 – 1.800 Meter) dörtrucken, wat bit up över 2.700 m anstiggt. Disse Randbargen vun de markant Oostfrikaansch Graben fallt denn to de Binnerste vun de dör de Tanganjikasee füllt Grabensenke steil af.

[ännern] Inwahner

86% vun de Inwahner sünd Hutu, wat meest de eenfach Lüüd sünd, 14 % sünd Tutsi, de de Böverschicht dorstellen. 1 % vun de Bevölkerung hörrt to de Twa. All Inwahner snacken de Bantuspraak Kirundi De meest Burunders sünd Katholiken (65%).

Vun 1993 bit 2003 geev dat dor en Börgerkrieg. To de Tiet sünd ruch weg 10% vun de Bevölkerung in de Nahberlänner flücht.