व्हिसेंते यानेझ पिंझोन
विकिपीडिया, मुक्‍त ज्ञानकोशातून
व्हिसेन्ते यानेझ पिन्झोन (इ.स. १४६० - इ.स. १५२३नंतर) हा स्पेनचा शोधक आणि कॉन्किस्तादोर होता.
याचे संपूर्ण कुटुंबच आरमारी होते. व्हिसेन्ते क्रिस्टोफर कोलंबसच्या पहिल्या सफरीतील तीनपैकी एक जहाजाचा वाटाड्या होता तर त्याचा भाउ मार्टिन अलोन्झो पिन्झोन त्याच जहाजाचा(निन्या) कॅप्टन होता.
अमेरिकेच्या सफरीनंतर इ.स. १४९९मध्ये व्हिसेन्ते दक्षिण अमेरिकेकडे निघाला. जानेवारी २६, इ.स. १५०० रोजी समुद्री वादळात भरकटत सध्याच्या ब्राझिलच्या पेर्नांबुको राज्यातील प्रैया दो परैसो येथे उतरला. ब्राझिलमध्ये पोचणारा हा पहिला युरोपीय होय. पिन्झोनने या जागेला काबो दि सान्ता मारिया दि ला कॉन्सोलेसियोन असे नाव दिले. पुढे तो ऍमेझोन नदीच्या मुखापर्यंत गेला. या नदीला त्याने रियो सान्ता मारिया दि ला मार दुल्से हे नाव दिले.
इ.स. १५०५मध्ये स्पेनने पिन्झोनला पोर्तो रिकोचा राज्यपाल केले.
इ.स. १५२३ नंतर याचा कोठेही उल्लेख आढळत नाही.
