Кавказ
Од Википедија, слободна енциклопедија
Кавказ е област во Евроазија коjа на север граничи со Русија, на југоисток со Турција, на запад со Црно Море, на исток со Касписко Море и на југ со Иран. Во Кавказ спаѓаат и Кавкаските Планини и околните низини.
Кавкаските Планини се граница помеѓу Европа и Азија, а за териториите во тој регион различно се смета дека му припаѓаат на еден или и на двата континента. Највисок врв на Кавказ е врвот Елбрус (5,642 мнв) кој се смета и за највисок врв во Европа.
Кавказ е еден од лингвистички и културно најразновидните региони во светот. Денешните национални држави на Кавказ се пост-советските држави: Грузија, Ерменија, Азербејџан и делови од Русија. Руските делови се Ставрополски Крај, Крансодарски Крај а исто така и автономните републики Адигеја, Калмикија, Карачаево-Черкесија, Кабардино-Балкарија, Северна Осетија-Аланија, Ингушетија, Чеченија и Дагестан. Три територии во регионот тврдат дека са независни, но не се меѓународно признати: Абхазија, Нагорно-Карабак и Јужна Осетија.
Кавказ има огромно еколошко значење. На Кавказ има повеќе од 6400 видови растенија од кои 1300 се ендемски во регионот [1]. Меѓу кавкаските животни спаѓаат леопарди, кафеави мечки, волци, европски бизон, планински кози и златниот орел. Во кавкаскиот пејзаж преовладува мешана шума и значајни површини од карпеста површина над шумскиот појас.
