Историја на македонскиот народ
Од Википедија, слободна енциклопедија
Оваа страница е заштитена од понатамошни измени на анонимни корисници, поради сомнителни придонеси на анонимни корисници кои треба да се дискутираат на страницата за разговор.
За да ги видите претходните верзии, кликнете на врската историја.
|
Историјата на македонскиот народ или воопшто на историја на човековото живеење и присуство на територијата на Македонија, датира со пронаоѓањето на најстариот човечки скелет на територијата на Македонија стар 160 илјади години. Најстарите пронајдоци од први организирани човечки населби во Македонија датираат од новото камено време (неолитот). Прва државна организација на територијата на Македонија е Античко-македонското кралство основано во 808 г.п.н.е. (според некои извори 825 г.п.н.е.) од страна на првиот македонски крал Каран, кое доживеало најголем подем во времето на владеењето на македонските кралеви Филип II Македонски (359 - 336 г.п.н.е.) и Александар III Македонски (336 - 323 г.п.н.е) од династијата Аргеади. Со доаѓањето и населувањето на словенските племиња во VI век, и нивното мешање со староседелското античко македонско население, конечно во X и XI век се формира ликот на современиот македонски народ, кој се до денес суштествува како мнозински на територијата на Македонија и зазема најзначаен дел од разните економски, политички, демографски, историски и други процеси во Македонија.
Содржина |
Праисториска Македонија
-
- Природните услови
- Новото камено време (Неолит)
- Метално време
- Остатоци од материјалната култура
Античка Македонија
Античка Македонија или Македон било античко кралство на територијата на денешна Република Македонија и северна Грција. Се граничело со кралството Епир на запад и областа Тракија на исток. Во даден временски период Македонија била најмоќната држава на светот кога Александар Македонски го освоил скоро цел познат свет во тоа време и со тоа го започнал хеленистичкиот период во македонско-грчката историја.
Средниот век во Македонија
Македонскиот народ почнува да се оформува како посебен етникум уште во раното средновековие од два носечки столба: античкото домородно македонско население и од Словените, со нивна фузија во еден етнос. Првите византиски документи, македонските Словени ги опишуваат како народ кој е домороден, а не доселен во Македонија. Еден од најстарите историски извори за македонските Словени е „Животот на Св. Димитрија Солунски“ од 6-от век, каде македонските племиња се прикажани како имаат свои кнежевства, потчинети на византискиот Император и своја локална самоуправа на чело со жупани. Од истиот извор дознаваме и кои се најголемите словениски племиња - Драговити, Сагудати, Велегезити, Бенити, Брсјаци.
-
- Македонските словени
- Етногенезата на македонскиот народ
- Географската распространетост на современиот македонски народ
- Уметноста во раниот среден век
- Првата македонска средновековна држава - Македонска Славинија
- Првите македонски средновековни кралеви
- Македонија под власта на Бугарија
- Македонија под власта на Србија
-
- Кирил и Методиј
- Климент Охридски
- Наум Охридски
- Самуилово царство
- Македонија во 11-14 век
-
- Охридска Архиепископија
- Крале Марко
- Уметноста во доцниот среден век
- Македонија во Османската империја
- Уметноста во деветнаесеттиот век
Создавање на македонската нација и борби за национално ослободување
Патот по кој мина македонскиот народ од своето будење па до полната национална афирмација беше толку сложен, што е многу тешко да се спореди со националното будење на кој и да е народ на Балканот. Од пробивот на капитализмот на почвата на Македонија, па до формирањето на македонската нација, македонскиот народ минуваше низ повеќе фази на преобразување што траеја половина век.
- Илинденско востание
- Балкански војни
- Македонија во Првата светска војна
- Македонија меѓу светските војни
Национално ослободителна борба
- Народно-ослободителна борба НОБ
Народно-ослободителната борба (НОБ) на Македонија е вообичаениот термин за борбата за ослободување на Македонија од окупаторските сили во текот на Втората светска војна. НОБ започна на 11 октомври 1941 година, со нападот врз бугарската полициска станица во Прилеп, а заврши со ослободувањето на Тетово на 19 ноември 1944 година.
Социјалистичка Република Македонија
Социјалистичка Република Македонија во минатото беше сојузна република во рамките на СФРЈ. (До 1963 година го носеше името Народна Република Македонија). Во 1991 година прогласи независност под името Република Македонија
Историја на Република Македонија
Први парламентарни, повеќепартиски избори беа одржани на 11 ноември 1990 година. На 11 ноември 1991 година, Собранието го изгласа и Уставот на државата. Се конституира првото повеќепартиско Собрание на Република Македонија, на 20 март 1991 годинабеше избрана Влада на Република Македонија - експертска, на чело со Никола Кљусев како претседател на Влада (за неа гласаа 83 пратеници, 17 беа против, а тројца воздржани), а Собранието го избра за претседател на Република Македонија го избра Киро Глигоров, а за потпретседател на претседателот е избран Љубчо Георгиевски.
