Будимпешта
Од Википедија, слободна енциклопедија
|
|
|||
 |
|||
|
|||
| Локација | |||
|---|---|---|---|
 |
|||
| Координати | |||
| Временска зона - лето |
СЕВ СЕЛВ |
||
| Општи податоци | |||
| Име - изворно |
Будимпешта Budapest' |
||
| Прекари | „Бисер на Дунав“ „Кралица на Дунав“ „Срце на Европа“ „Град на слободата“ |
||
| Мото - изворно |
A Duna gyöngye, A Duna királynője |
||
| Стари имиња | Буда Пешт Обуда |
||
| Официјална страница | budapest.hu | ||
| Управа | |||
| Земја | Унгарија | ||
| Регион | Централна Унгарија | ||
| Котар | Будимпешта | ||
| Градоначалник | Габор Демски (СДС) | ||
| Географија | |||
| Површина | 525,16 km² | ||
| Надморска височина | 102 m | ||
| Население | |||
| Население | 1 697 343 HCSO (2007) | ||
| Густина | 3232 ж./km² (2007) | ||
Будимпешта (унг: Budapest) е главен град на Унгарија и нејзин главен политички, културен, трговски, индустриски и транспортен центар. Официјалниот говорен јазик е унгарски. Според пописот од 2007 година, Будимпешта има 1 697 343 жители[1], за разлика од средината на 1980-тите кога имала 2,1 милион. Будимпешта станал еден град расположен на двата брега на реката Дунав со спојувањето на десниот (западниот) дел, Будим (Buda), со левиот (исток), Пешта (Pest), на 17 ноември 1873 година.
Содржина |
[уреди] Како да се стигне?
- Со авион: Меѓународниот аеродром Ferihegy е најголемиот во земјата. Има два терминали кои се оддалечени од себе неколку километри. Помалиот, терминалот 1 е место каде што слетуваат low cost компаниите. Значително поголемиот терминал 2 е поделен на 2А каде слетуваат Malev, Air Malta, Moldavian Airlines, CSA Czech Airlines, Carpatair и 2В на кој што слетуваат сите останати компании.
Од аеродромот до градот може да стигнете со аеродромскиот минибус за цена од околу 8 евра. За враќање на аеродромот, резервирајте си комбе еден ден однапред. Брз начин е и таксито, а ако не сте сами, ова е и поефтина опција (14-18 евра). Обрнете внимание на "дивите таксисти" кои не припаѓаат на ниедно такси здружение (ехеј, да, и тука постојат) и кои знаат да бидат значително поскапи.
- Со воз: Будимпешта има три главни желзнички станици: Keleti (источна), Deli (јужна) и Nyugati (западна).
[уреди] Транспорт
Јавниот транспорт во Будимпешта и не е толку скап. Билетот за превоз чини 0.75 евра во коиск или 0.85 евра доколку се купи во возило. Доколку планирате да го шетате целиот град, убава опција е и дневниот билет кој чини 4,6 евра, блок од 10 билети (6,6 евра) или тродневен билет (9,7 евра).
- Метро: се состои од три линии - М1 (југозапад-североисток), М2 (исток-запад) и М3 (север-југ). Метрото е во добра состојба и е едно од првите во светот. На линијата М1 сеуште се користат старите дрвени вагони, кои се нарекуваат и милениумски, бидејќи првата линија била изградена 1896 година на 1000 годишнината од унгарската нација.
Бидете внимателни и не се лажете да се "шверцувате" како во автобусите на ЈСП кај нас, бидејќи има редовна контрола, а главна мета им се туристите. Доколку ве фатат, молбите да ве пуштат нема да пројдат и секогаш следи казна од 10 евра.
- Трамвај: ова е најдоброто превозно средство за туристи. Поспоро е од метрото, но и поинтересно бидејќи за време на возењето можете да го разгледувате градот.
- Автобуси: таму каде што не оди трамвајот, одат автобусите. Будимпешта има густа мрежа на автобуски линии. Ноќните автобуси се добро организирани и обично тргнуваат на секои 15 до 60 минути од 23-04 часот.
[уреди] Ориентација
Освен Дунав, најдобра референца за ориентација се мостовите.
[уреди] Атракции
Најголемиот број на атракции се наоѓаат околу Тврдината на кралската палата во Буда, во центарот Пешт и покрај Дунав. Кралската палата е најпопуларната туристичка атракција во тој дел на градот. Националната галерија во крилата B,C и D од кралската палата има запрепастувачки колекции на слики. Црквата на Св. Матеј e изградена во неоготски стил и доминира на пејсажот на Буда. Мостовите на Дунав се атрактивни и незаобиколен дел. Најдобар поглед на мостовите има од ридот Гелерт во Буда. Вelváros (центарот на градот) во Пешт е административниот и деловниот центар на Будимпешта и на цела Унгарија.
Главните атракции се:
- Парламентот - неоготска градба, совршено позициониран на самиот брег на Дунав. Зградата е проектирана во 1986, на 1000 годишнината од унгарската нација, а изградена е во 1902. Проектирана е по пример на англискиот парламент, но е подолга и поширока за 1 метар од него. Има скоро 700 простории, 20 километри ходници, 88 статуи на унгарски владетели, принцови и војсководци. Во парламентот е изложена и круната на унгарските кралеви, кои по Втората светска војна избегале во САД. Круната во 1978 година во Унгарија ја вратил американскиот претседател Џими картер. Влезницата изнесува 3,2 евра.
- Базиликата на Св. Иван - главната и највисоката црква во Будимпешта, познат пример на неокласичната архитектура која неодамна е и реновирана.
- Големата синагога и еврејскиот музеј. најголемата синагога во Европа.
- Државната опера.
- Градскиот парк - еден од најпријатните квартови во цела Будимпешта.
[уреди] Трговски центри
Будимпешта изобилува со хипермаркети како Аuchan, Tesco и Cora каде што храната е ефтина, а изборот е огромен. За електронски апарати се задолжени Electro World и Media Markt. Особено интересен е трговскиот центар Nagy Vásárcsarnok каде што цените не се фиксни и дозволено е ценкање.
[уреди] Сместување
Во Будимпешта постои сместување од сите категории и цени. Најскапите хотели се во близината на кралската палата, додека најефтините се од другата страна на реката, во предградието на Пешта.
