Арсенал Македонија
Од Википедија, слободна енциклопедија
Арсенал Македонија е здружение на граѓани, чија основна цел е навивање за фудбалскиот клуб Арсенал. Официјално е поврзано со клубот и заведено како Arsenal Macedonia Supporters Club. Основано е во 2006 година, се темели на демократски принципи и е отворено за сите љубители на Арсенал.
Содржина |
[уреди] Основање
Иницијативата за формирање на здружението датира од јуни 2006 година. Покрената е од група ентузијастички навивачи кои одлучиле дека и Македонија треба да има навивачки клуб, заради организирано следење на натпреварите на Арсенал, меѓусебно дружење, ширење познанства, соработка со други навивачки клубови од светот, како и организирани посети на некои од натпреварите.
Здружението е официјално примено во мрежата на навивачки клубови на Арсенал на 2 август 2006.
Основачкото собрание е одржано на 13 септември 2006 во Скопје.
Официјалната регистрација во судскиот регистар на Република Македонија како здружение на граѓани е направена во октомври 2006.
[уреди] Структура и раководство
Раководењето, функционирањето и сите останати активности на ова здружение се темелат на демократски принципи. Секој член има право на глас и со самото тоа можност да биде дел од сите одлуки кои се носат.
Првото раководство кое било избрано на основачкото собрание, со мандат од една година (или една сезона), беше реизбрано на првото годишно собрание, во септември 2007. Истото се состои од:
- Жарко Драгшиќ - претседател
- Неда Коруновска - секретар
- Дарко Јаневски - благајник
[уреди] Членство
Членувањето во Арсенал Македонија е право на секој навивач на Арсенал кој се согласува со статутот на здружението. За да се стане член, потребно е да се плати членарина, да се навива за погоре наведениот фудбалски клуб и да се биде жител на Република Македонија.
Како основачки членови на здружението се наведени 13 личности, а во мигов, бројот на официјални членови изнесува 31. Членството е базирано главно во Скопје и Охрид, но во план се проширувања и во други градови низ земјата.
Привилегиите на членовите се:
- Членска карта - официјално станување дел од Арсенал.
- Маичка со логото на Арсенал Македонија.
- Знаменца, приврзоци и останати реквизити со логото на Арсенал Македонија.
- Попуст од 20% на сите производи од продавницата на Арсенал.
- Можност за влегување на приоритетна листа за добивање билети за натпреварите на Арсенал.
[уреди] Места на собирање
Во текот на изминатата сезона, 2006-07, членовите на здружението натпреварите ги следеа во спортскиот бар 3 корни пенал.
Во сезоната 2007-08 која е во тек, натпреварите се следат во пабот Шенклис.
Гледањето на натпреварите не е екслузивно право на члнеовите, туку добредојдени се сите љубители на Арсенал, а и сите љубители на фудбалот воопшто.
[уреди] Лого
Логото на Арсенал Македонија е создадено според шаблонот за лого на навивачки клуб на Арсенал. За основа го има официјалното лого на клубот, но со видоизменети (инвертирани) бои. Црвената и белата боја се единствените дозволени бои, т.е. се забранува користење на националните бои во изработката на логото. Покрај логото на фудбалскиот клуб, на логото уште стои и името Arsenal како и земјата од каде што потекнува навивачкиот клуб, т.е. Macedonia.
[уреди] Идеологија
Единственото нешто кое е важно во навивачкиот клуб Арсенал Македонија е љубовта кон Арсенал, поддржувањето и навивањето на истиот. Забранета е нетолерантност кон сите нешта кои нè чинат различни. Строго се забранети навреди на расна, етничка, национална, религиска, полова или која и да е друга основа.
[уреди] Интернет интеракција
Покрај дружењето за време на гледањето на натпреварите, виртуелната интеракција на членовите на Арсенал Македонија, како и на сите останати симпатизери на Арсенал се одвива преку официјалниот блог на здружението.
