Wieërt
Van Wikipedia
Dit artikel is gesjreve in 't Wieërts. 't Weurt gewaardeerd óm in dit artikel 't Wieërts aan te hauwe of aan te gaeve welk anger dialek gebroek is.
Wieërt (Nederlands Weert) is 'n stad en gemeindje in Midde-Limburg, sjus aon de Belsje en Braobantse grens, mèt op 1 januari 2004 48.724 inwoeners. De gemeinte besteit oet de kèrne:
- Altwieërthei (Altweerterheide)
- Bosseve (Boshoven)
- Laor (Laar)
- Rooj (Stamproy)
- Tungelder (Tungelroy)
- Wieërt
- Zwertbrook (Swartbroek).
De bekindje Limburgse vlaaj keumptj oeërspronkelik oet Wieërt. Petroeënheilege van Wieërt es Martinus.
Inhawd |
[bewirk] Stadsgezicht
Belangriêke monumênte zeen de laat-gotische Martinuskêrk en de Tiendscheur, noow 'n expositieruumdje. Beej Wieërt stieët ouch 'n kestieëlrewiene. Dao es 'n barok Minderbroederskloeëster mèt nog 'n gotische kêrk. In de gemeindje, in oppervlak ein van de groeëtste in Limburg, ligke ouch völ neteurgebiede.
[bewirk] Historie
Wieërt is ontstaon op 'n druuëggelagdj moeras, woeë-op de naam al wiesj (op ânger plekke in Nederland komdje ouch völ name mèt weerd of waard tieëge). In 1062 weurtj de plaats vör 't ieërst geneumtj as Wertha, allewaal me tieëgewoeërdig dervan oetgieët det dit 'n vervâlsing es. 't Documênt regeltj de oeëverdracht van 't dörp aan 't Sintervaoskapittel in Mestreech.
In de vieftieëndje ieëw kwoom in Wieërt de lakenindustrie tot bluj. In 1414 krieëg 't stadsrechte, al wore 't gein komplieëte. Wieërt woor in daen tiêd besteurdj doeër de hieëre van Horn. De lakenindustrie bracht 'ne blujjendje hândel mèt völ stieëj op gang, tot aan Berge op Zoom en Antwerpe tów. Nao de zestieëndje ieëw aevel góng 't minder mèt de stad, di-j nao de Tachtjigjaoregen Oerlog nog zjuust in de Noordelike Nederlande te ligke kwoom. De Graaf van Horn woeërt in 1568 mèt dae van Egmond op de Groeëte Mèrrentj in Brussel vermoeërdj, woeëmej de bescherming van de sted wegveel. Ouch woeërt de stad van knouppûnt van wieëg tot periferie: de grèns leep oeëver d'n heerwieëg nao Antwerpe.
't Herstèl es in de nuuëgetieëndje ieëw hieël lânkzaam op gang gekaome, ieërst doeër 't grave van de Zuid-Willemsvaart, later ouch doeër d'n aanlègk van spoeërwieëg. Pas nao den Twieëdje Werreldjoerlog es Wieërt 'n industriestad gewoeëre.
[bewirk] Wieeke
- Groenewoud
- Loar
- Kieentj
- Moezel
- Leuken
- Graaswinkel
- Beest
- Stad
[bewirk] Geboeëre in Wieërt
- Mieke en Selma Jansen, bekind es de Selvera's, 'n zangduo
- Sjeng Schalken, tennisser
- Harrie en de Gebroeëke Zwieëgelkes, band
- Tsjèh Tsjèh Tsjèh, band
- Dance-On, band
[bewirk] Extern linke
- Website van de gemeindje
- De Aldenborgh - Wieërtse krink vaan 't LGOG
|
|
|
|---|---|
| Dörper:
Altwieërthei | Bosseve | Laor | Rooj | Tungelder | Wieërt | Zwertbrook | |
|
| Provincie Limburg | |
|---|---|
|
Árse en Velde | Baek | Baerge | Bezel | Bree | Broensem | Ech-Zöstere | Èèsjde | Gennep | Gulpe-Wittem | Haors aan de Maas | Heële | Helje | Kirchroa | Kessel | Lankgraaf | Leudaal | Maasgoew | Mael | Meersje | Mergraote | Mestreech | Mieëldere-Wânsem | Mook en Middelar | Ni-jwieërt | Nut | Óngerbenk | Remuunj | Roerdale | Sjènne | Stein | Valkeberg | Venlo | Venroj | Voelender | Vols | Wieërt | Zaerem | Zittert-Gelaen | Zumpelveld |
|
