Weve
Van Wikipedia
Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.
Weve is 't verbinje van horizontale en verticale gruup textiel oet dräöj. 't Is 'ne zeer aje techniek wo op hieël väöl variante bestaon. De dräöj wo mit textiel wuuertj geweve kinne van versjèllendj materiaal zeen, wie:
- wol
- vlas
- katoen
- zie
Veur 't weve spantj me 'n aantal dräöj parallel op. De constructie wo op dit gebeurt hèt sjaere. De opgespanne dräöj heite sjaering. Soms mótte dees sjaeringdräöj (of kittingdräöj) geliemp (gestaerk) waere óm mieë waerstandj te höbbe taenge breuk tiedes 't weve. Vervolges waere éin veur éin anger dräöj haoks hiej op, tösse de sjaering door, in 't weefgetouw ingelag. Dees dräöj heite inslaag. Dees dräöj waere strang taenge einanger aangedruk.
Biej 'n weefgetouw kinne de dräöj van de sjaering (of kitting) per groep waere opgepuf door sjech. Door in 'n bepaald patroean de dräöj op te puffe, óntstaon ingeweve patroeane, die hieël ingewikkeldj kinne zeen. Meistal waere de inslaagdräöj mit behölp van 'n sjeetspeulke in 't weefsel geweve. Dit sjeetspeulke is 'n sjuutvormig blökske wo in 'n speulke mit draod, dae tiedes 't haen en weer bewaege wuuertj aafgewikkeldj.
Biej modèrnere weefmachines waere de inslaagdräöj ingebrach mit ofwaal starre steng (griepers genömp), mit 'n klein metaal projectiel (op Sulzer weefgetouwe) of de inslaagdräöj kinne ingebrach waere mit lóchdruk en/of waterstraol. 't Saort weefgetouw en de gebroekdje techniek óm de inslaagdräöj in te weve waere meistal bepaald door 't saort weefsel det me wins te weve. Veur tapiete en zwaore weefsele waere meistal griepers gebroek. Biej weefmachines die mit waterstraoltechniek wèrke kin me meistal slechs mit synthetische gäöres weve.
[bewirk] Beloer ouch
- Weefgetouw
- Nejje
