Stellingwerfs
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
't Stellingwerfs is de streektaol vaan e gebeed in Zuidoes-Friesland, westelek Drente en de kop vaan Euverijssel. 't Maak deil oet vaan de Nedersaksische taol.
De Stellingwerve hure neet bij 't Fries kolonisatiegebeed; me heet hei daan ouch noets Fries gesproke. De perceis grens mèt 't Fries löp trouwes neet gans gliek mèt de gemeintes Oost- en Weststellingwerf: de Ooststellingwerfse dörpkes Haulerwijk en Waskemeer zien Friestaoleg, 't dörp Noordwolde heet e dialek wat al de Greuningse kant opgeit. 't Oestelek deil vaan Lemsterland is weer wel Stellingwerfstaoleg.
Sommege kinmerke laote ziech dudelek op 't Fries trökleie. Zoe oontbrik 't reflexief sik "zaich", boe me hem veur gebruuk. 't Saksisch einheidsmiervoud op -t is vervange door eint op -en (zi'j slaepen, neet zi'j slaopt). Ouch typisch Stellingwerfs is 't verandere vaan de aw aa in ae, neet in ao wie dat in de umgeving gebäört. E Stellingwerfs sjibbolet is daan ouch 't Waeter slaet teegn de raemen dat 't klaetert.
Wieväöl 't Stellingwerfs nog gesproke weurt is neet perceis bekind. Behave aon 't Nederlands moot dit dialek ouch aon 't Fries terrein eweggeve; veural Ooststellingwerf is sins de negentiende iew sterk verfries. De Stellingwervers zien evels good taolbewös en 't dialek weurt dèks opgesjreve. Dao is 'ne Stellingwerfsen dictionair, dee oet neet minder es veer ben besteit.
