Sneek
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Sneek (Fries Snits) is 'n stad en gemeinte in de Nederlandse provincie Friesland, zuidweste vaan Liewarde. De gemeinte umvat neve de stad Sneek ouch nog de dörper Loënga, Iesbrechtum en Offengawier, en heet 'n oppervlak vaan 34,03 km² en 32.945 inwoeners per 1 juli 2005. De stad ligk aon 't spoor vaan Liewarde nao Stavere. De stad heet 'n zjumelaasj mèt 't Japans Kurobe.
Inhawd |
[bewirk] Stadsfuncties
Sneek is 'n stad mèt eineg industrie, woe-oonder 'n vesteging vaan ritssletingsfebrik YKK en de sókkerwerkfebrik Tonnema (bekind vaan de King-pepermunt). Sneek is regionaal verzörgingscentrum veur gans zuidwes-Friesland en hoesves twie sjaolegemeinsjappe.
[bewirk] Stadsbild
Sneek heet 'n aajd, historisch centrum, wat veural nog getuig vaan e verleie es handelsstad. Groete en klein kanale verbinde Sneek mèt 't platteland, en de beroemde Waterpoort is 'n euverbliefsel vaan de vestingwèrke.
[bewirk] Historie
Sneek oontstoont aon de krusing vaan 't groet kenaal (Magna Fossa) en 'n veurnaom besjermingsdiek. Veur dit kenaal voerde de regio handel via de Middelzie, die in de late Middeliewe evels touwslibde en ingepolderd woort. Vaanaof de daartiende iew verzamelde de plaots eineg stadsrechte, die in 1456 bevesteg woorte. In 1492 begós me aon de ummoering vaan de stad, die op dat momint op häör huugdepunt stoont. Nao 1550 raakde Sneek mèt Friesland in verval, al gebäörde dat neet zoe erg es in 't platteland daorum eweg. Sinsdeen stagneerde de oontwikkeling tot nao d'n Twiede Wereldoorlog.
In 1984 woorte de dörper Loënga, Iesbrechtum en Offengawier, tot daan touw behurend aon Wymbritseradiel aon Sneek touwgevoog.
