Roer
Van Wikipedia
- Dit artikel is gesjreve in 't Valkebergs. Ómdat 't plaatsgebónje is, maogs doe 't ómzètte nao 't Remunjs, as te dit dialek sjpriks.
- Dit artikel geit euver de reveer die in de Maos oetmundt. Veur de Duitse reveer die in de Rien oetmund zuug Roer (Ruhr)
De Roer (Duutsj: Rur) ies 'n rivier die euver 'n lengte van ongevaer 165 kilomaeter door drie leng sjtruimp; Belsj, Duutsjland en Nederland
Same mèt väöl andere sjtruimpkes óntsjprink de Roer op 't hoagste punt van Belsj, de Signal de Botrange in de gemeinte Waimes op de Hoage Vene. 't Ies hie Franstalig en de naam van de rivier ies hie ouch (La) Roer, meh 't weurt ouch waal gesjreve es Rour.
Bie Monschau sjtiek ze de Duutsje grens euver en kump nao dees toeristische plaats oet bie de Rurtalsprerre, 't op ein nao groatste sjtuwmeer van 't land. In noordelike riechting sjtruimp ze wiejer door de Eifel nao de lièger gelege industriegebejer van Düren en Jülich, hielangs monde de riviere de Inde en de Worm oet in de Roer. (De Inde óntsjpringk ouch in de Eifel, de Worm bie Aoke en löp langs de Nederlands Limburgse plaats Kèrkraoj.)
In Duutsjland liek ouch 'n rivier genaamp de Ruhr, woanao 't Roergebeed ies verneump, dees ies neet te verwarre mèt de Roer (Rur).
Bie Vlórp bereik de rivier de Nederlandse grens, hie löp ze door de gemeinte Roerdale nao Remung.
Väöl luuj meine det Remunj (Roermond in het Hollands)de beteikenis haet van monjing van de Roer. Dit klop echter neet, omdet de Maas ein paar hongerd jaor haer verlag is. Vreuger sjtruimde diej namelik ein sjtuk westelikker en de Roer sjtruimde dan ouch urges ten noorde van Remunj (biej Leeve) in de Maas, in het landsjap vilt dit nog truk te zeen. De naam Remunj haet waal betrikking op Mundium (latien veur sjtad) aan de Roer. Dit klop ouch omdet de sjtad ontsjtange is op 't 'boetenop', eine heuvel dae noe aafgegrave is in eine boch van de Roer.
[bewirk] Ziebaeke
- de Wörm (Wurm)
- de Posbaek
- de Holsterbaek
- de Leigraaf
- de Vlaotbaek
- de Kwabaekerbaek
- de Roa baek (Rodebach)
