Hengelo
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
- Dit artikel geit euver de gemeinte in Euverijssel. Hengelo is ouch e dörp in de Gelderse gemeinte Bronckhorst.
Hengelo (Twents: Hengel) is 'n plaots (versteidelek dörp) en gemeinte in de Nederlandse provincie Euverijssel, in Twente, mèt 'n oppervlak vaan 61,78 km2 (daovaan 0,72 km2 water) en (1 januari 2007) 81.431 inwoeners. Neve de hoofplaots umvat de gemeinte nog 't kèrkdörp Beckum en de naobersjappe Oele en Woolde.
[bewirk] Historie
Hengelo oontstoont roond d'n Hoof (te) Hengelo, die huurde bij de naobersjap Woolde, en de bijgelege kepel. In de zestiende iew bouwde Frederick vaan Twickel hei zie Hoes Hengelo. Dit woort in 1821 gesloop. Bij 't stiechte vaan de gemeinte Hengelo in 1802 waor de plaots nog neet mier es e boeredörp vaan hoonderd boerehäöf en daagloenershuiskes. De plaots greujt enorm mèt de koms vaan de textielindustrie, en, vaanaof 1859, de machinebouw (Stork). Door 't strategisch belaank vaan de industriestad bombardeerde de geallieerde de stad mier es eine kier. In 1944 woort 't centrum haos hielemaol eweggevaog. Dit bombardemint en de slopershamer höbbe wieneg euvergelaote vaan de negentiende-iewse stad. Ei vaan de wienege euvergebleve gebouwe is de Lambertuskèrk oet 1890. Wel 't opvallendste gebouw is 't nui raodhoes, mèt d'n hoegen torie. In 1992 stortde 'ne F-16 vaan de Vleegbasis Twente neer op de nuibouwwiek de Hasseler Es. In de jaore negeteg kaom mier es eine kier de discussie op euver 'n fusie tösse Enschede, Hengelo en Borne. De bevolking is dao in groete mierderheid tege; um die rei zien zoe'n planne weer in de ieskas gezat.
[bewirk] Externe link
|
|
|
|---|---|
|
Almelo | Borne | Dalfsen | Deventer | Dinkelland | Enschede | Haaksbergen | Hardenberg | Hellendoorn | Hengelo | Hof van Twente | Kampen | Losser | Oldenzaal | Olst-Wijhe | Ommen | Raalte | Rijssen-Holten | Staphorst | Steenwijkerland | Tubbergen | Twenterand | Wierden | Zwartewaterland | Zwolle |
|
