Hael
Van Wikipedia
Dit artikel is gesjreve in 't Haels. 't Weurt gewaardeerd óm in dit artikel 't Haels aan te hauwe of aan te gaeve welk anger dialek gebroek is.
Hael (Heel in 't Nederlands) is 'n dörp in de Nederlands-Limburgse gemeindje Maasgouw.
Tot 1 jannewarie 2007 waas Hael 'n zelfstenjigge gemeindje woeë de plaatse Bieëgdje (Beegden), Hael, Oeazje (Osen), Panhael (Panheel), Pol en Wèssem (Wessem) biej hueërdje (allein Bieëgdje, Hael, Panhael en Wèssem waerdje es "kern" bezeen). De gemeindje haaj 'n oppervlak van 25,36 km² en 8.299 inwoëners (1 augustus 2006).
Op 1 jannewarie 2007 is de gemeindje Hael mèt Brach en Toear samegevoegdj tot de noew gemeindje Maasgouw. Dees herindeiling waas neet onómsjtreje. De regering haaj ieërder anger planne veur de herindeiling (Hael zoeëj same mèt Toear biej Leudal mótte gaon hueëre) en ein deil van de bevolking verzat zich hiej tieënge. Van massaal protest waas echter noeëts sjprake.
Väör de kern Hael zeen d'r in de meer recente gesjiedenis twieë belangrieke óntwikkelinge te óngersjeije: de kómst van Sint Joseph en later Sint Anna in de 19e ieëuw. Dees insjtèllinge väör minse mèt ein versjtandelikke beperking zeen altied eine groeëte werkgaever gewaesj en de geboewe zeen gezichtsbepalendj väör 't dörp. Daonaeve verangerdje de ontgrindinge 't aangezich en 't karakter van Hael (en Pol en Panhael). 't Jaorelang weggrave van grindj verangerdje 't dörp van ein agrarische gemeinsjap in ein forenze dörp (ouch dankzij de gunstige ligging t.o.v. de A2 en de Napoleonsbaan).
[bewirk] Extern leenke
|
|
|
|---|---|
| Dörper en gehuchte: De Baek | Bieëgdje | Brach | Hael | De Laak | Lin | G'n Oea | Oeazje | Panhael | Pol | Staeveswaert | Toear | Wèssem | |
