Martin Luther
Vu Wikipedia, der fräier Enzyklopedie.
De Martin Luther, gebuer den 10. November 1483 zu Eisleben, an do gestuerwen den 18. Februar 1546, war een däitsche reliéise Reformer.
De Martin Luther huet op Wonsch vu sengem Papp ugefaangen, Droit zu Erfurt ze studéieren. No 2 Méint huet hien dee Studium ofgebrach an ass an den Augustineruerden agetratt. 1507 gouf hien zum Geeschtleche geweit an huet Theologie studéiert.
Vu 1508 un huet hie Virliesungen a gouf no senger Promotioun 1512 Professer op der Universitéit vu Wittenberg.
Op enger Reess op Roum 1510 ass him d'Verweltlichung vun der chrëstlicher Léier bewosst gin.
Besonnesch huet hien Ustouss fonnt un dem sougenanten Ofloosshandel zugonschte vum Neibau vun der Péiterskiirch zu Roum, dee besonnesch vum Dominikaner Tetzel bedriwwe gouf.
Den 31. Oktober 1517 verëffentlecht de Martin Luther seng 95 Thesen géint d'Bousspraxis vun der (kathoulescher) Kiirch. Dës Thesen déi als Grondlag fir eng Wëssentschaftlech Diskussioun geduercht waren verbreeden sech ganzs séier a féieren (ouni datt dat dem Luther seng Absicht war) zur Reformatioun a leeden d'Spaltung vum Chrëschtentum an.
Bäi engem Stréitgespréich 1518 zu Heidelberg refüséiert de Luther fir seng Thesen zréckzezéien.
1519 huet hien an enger weiderer Diskussioun d'Onfehlbarkeet vum Poopst a vun de Konziler grondsätzlech a Fro gestalt.
1520 huet hien dës 3 Grondwierker vun der Reformatioun verfaasst:
- "An den christliche Adel deutscher Nation"
- "Von der babylonischen Gefangenschaft der Kirche" an
- "Von der Freiheit eines Christenmenschen"
De 1521 géint de Luther ausgeschwate Kiirchebann blouw wéint dem sénge villen Unhänger an der Bevölkerung ouni Wierkung. A virun der Reichsacht, déi zu Worms géint hien ausgeschwat gi war huet hien säi Landesfürst den Friederich der Weise, a Schutz geholl an dem hien de Luther als "Junker Jörg" op d'Wartburg bruecht huet. Do huet hie bannert 10 Méint dat Neit Testament op däitsch iwwersat.
1525 huet de Luther sech mat der fréierer Nonn Katharina von Bora bestuet an huet mat hir zesummen 6 Kanner kritt.
[Änneren] Editiounen
- D. Martin Luthers Werke, Kritische Gesamtausgabe, Weimarer Lutherausgabe, an 120 Bänn. Dovun
- Tischreden, 6 Bänn
- Deutsche Bibel, 15 Bänn
- Briefwechsel, 18 Bänn
- Schriften, Werke, 81 Bänn
[Änneren] Linken
[Änneren] Um Spaweck
