Lepus (Stärebild)

Vu Wikipedia, der fräier Enzyklopedie.

Date vum Stärebild Lepus
Lëtzebuergesche Numm	Hues
Laténgesche Numm	Lepus
Laténgesche Genitiv	Leporis
Laténgesch Ofkierrzung	Lep
Rektaszensioun	4h 55m bis 6h 12 m
Deklinatioun	-27° 16' bis -10° 48'
Fläch	290 Quadratgrad
Siichtbar op de Breedegraden	60° Nord bis 90° Süd
Observatiounszäitraum fir Mëtteleuropa	Wanter
Zuel vu Stären mat Gréisst < 3m	2
Hellste Stär, Gréisst	Ameb (α Leporis), 2,58m
Meteorstréim	-
Nopeschstärebiller (vu Norden am Auerzäresënn)	Orion Eridanus Caelum Columba Canis Major Monoceros
Kaart vum Stärebild Lepus

Den Hues (latäin Lepus) ass e Stärebild an der Géigend vum Himmelsäquator.

Inhaltsverzeechnis 1 Beschreiwung 2 Geschicht 3 Himmelsobjete 3.1 Stären 3.2 Duebelstären 3.3 Verännerlech Stären 3.4 Messier- an NGC-Objete

[Änneren] Beschreiwung

De Lepus ass südlech vum opfällegen Orion ze fannen. Vu Mëtteleuropa aus steet dëst Stärebild am Wanter déif iwwert dem Südhimmel.

Zwee vu sengen Stären sinn méi hell wéi déi 3. Gréissteklass.

Am Lepus befënnt sech de Kugelstärekoup M79

[Änneren] Geschicht

De Lepus gehéiert zu de klasseschen 48 Stärebiller vun der antiker Astronomie, déi schonns dem Ptolemäus bekannt waren.

[Änneren] Himmelsobjete

[Änneren] Stären

B	F	Nimm o. aner Bezeechnungen	Gréisst	Lj	Spektralklass
α	11	Arneb, Arnab	2,58m	1200	F0 Ib
β	9	Nihal, Nibal	2,81m	159	G4 II
μ	5		3,0 bis 3,4m	200	B9 III
ε	2		3,19m	150	K5 III
ζ	14		3,55m	80	A3 V
γ	13		3,59m	26	F6 + G5
η	16		3,71m	70	F0 Iv
δ	15		3,76m	150	G8 III
λ			4,29m
κ			4,36m	250	B8 + F1
ι			4,45m
θ			4,67m
	17		4,92m
	19		5,28m
ν			5,25m
		R, Karmesinstern, Hinds Purpurstär	5,5 bis 11,7m
	10		5,53m
	1		5,74m
	12		5,88m
		Gliese 229	8,14m

Den α Leporis ass ronn 200 Liichtjoer vun eis ewech. De Stär gehéiert zu der Spektralklass F0 Ib. Et handelt sech ëm e Stär, mat der 10facher Mass an dem 75fachen Duerchmiesser an der 13.000 facher Liichtkraaft vun eiser Sonn.
De Numm „Arneb“ ass arabesch a leet sech of vun „al arnah“ fir „Hues“.

De β Leporis ass 159 Liichtjoer vun eis ewech. Et ass e Risestär a liicht giel. Seng Spektralklass ass G4 II.
De Numm „Nihal“ ass arabesch a bedeit souvill wéi „Kaméiler, déi hiren Duuscht läschen“.

De Stär Gliese 229 läit op enger Distanz vun 19 Liichtjoer an ass ee vun de Noperen vun eiser Sonn. Et handelt sech ëm ee Rouden Zwergstär mat der Spektralklass M1 V. Am Joer 1998 gouf e Beleedstär, e Brongen Zwerg mat der 20 bis 50facher Mass vum Planéit Jupiter nogewisen.

[Änneren] Duebelstären

System	Gréissten	Ofstand
γ	3,6/6,2m	97"
κ Lep	4,4/7,3m	2,6"

Den γ Leporis ass en Duebelstäresystem op enger Distanz vun nëmmen 26 Liichtjoer. Déi zwee Komponenten kënnen schonns mat engem klengen Teleskop gedeelt ginn.

[Änneren] Verännerlech Stären

Stär	Gréisst	Period	Typ
μ Lep	3,0m bis 3,4m	ca. 2 Deeg	hallefregelméisseg Verännerlecher
RX Lep	5,0 bis 7,0m	onregelméisseg	onregelméisseg Verännerlecher
R	5,5 bis 11,7m	430 Deeg	Mira-Stär

Op enger Distanz vun 200 Liichtjoer läit den μ Leporis. Et ass e verännerleche Stär, deem seng Hellegkeet mat enger Period vu ronn 2 Deeg ëm 0,2 Gréissteklassen schwankt.

Den RX Leporis läit 500 Liichtjoer vun eis ewech an ännert seng Hellegkeet ouni eng erkennbar Period.

Den R Leporis läit op enger Distanz vun 3000 Liichtjoer. Et ass en extrem liichtkräftege Stär vum Typ Mira, deen seng Hellegkeet während engem Zäitraum vu ronn 430 Deeg staark verännert. Hie gehéiert zu der Spektralklass C6 II an ass ee vun deenen roudelzechten Objete um Nuetshimmel. Heiansdo gëtt hien och „Karmesinstär“ oder „Hinds Purpurstär“ genannt (no dem briteschen Astronom John Russell Hind, dee seng Verännerlechkeet beschriwwen huet).

[Änneren] Messier- an NGC-Objete

Messier (M)	NGC	aner	Gréisst	Typ	Numm
79	1904		8m	Kugelstärekoup

Am Stärebild Lepus ass och de Kugelstärekoup M79, dee ronn 40.000 Liichtjoer vun eisem Sonnesystem ewech läit.