Brigade d'Intervention Musicale
Vu Wikipedia, der fräier Enzyklopedie.
D' Brigade d'Intervention Musicale ass e lëtzebuergesche Museksgrupp vu véier Museker, dee vum Luciano Pagliarini geleet gëtt. De Luciano Pagliarini an den André Mergenthaler spille Saxophon, begleet gi se vun enger Tromm an engem Akkordeon.
De Grupp, dee 1995 gegrënnt gouf, zeechent sech aus duerch speziell Kostümer, déi d'Museker droen, an säi Repertoire, dee vu Partisane-Lidder wéi Bella Ciao iwwer Polkaen, wéi z.B. Rosamunde bis hin zu lëtzebuergeschen traditionelle Melodië geet, déi vun de véier Museker arrangéiert goufen.
Charakteristesch fir de Museksgrupp "Bim" ass virun allem d'Wuert "Intervention", well déi 4 Museker sech mat hire gréisstendeels politesch lénksgeriichte Songen (z.B. L'Internationale) ëmmer nees ënnert d'Vollek mëschen. Munchmol bleiwen se stoen an erfreeën d'Leit matt eegewëllegen a sprëtzegen Jazz-Jam-Sessions. Och éieren se heiansdo déi eng oder aner Persoun mat engem extraen Tusch.
D'"Brigade d'intervention musicale" ass besonnesch bei staatlechen Kulturinstituter e gefroten Ensembel.
