Andronicus I Comnenus
E Vicipaedia
Andronicus I Comnenus (Graece Ἀνδρόνικος Κομνηνός; natus circa 1118; mortuus 12 Septembris 1185) fuit imperator Constantinopolitanus. Andronicus fuit filius Isaaci Comneni neposque Alexii I Comneni. Sub regno consobrini Manuelis I Comneni in exsilio multos annos vixit. Anno 1182, Alexio II imperatore sub tutela matris Mariae Antiochiae amantisque eius Alexii Comneni protosebasti, Andronicus Constantinopolim invasit, protosebastum imperatricemque interfecit; anno 1183 se imperatorem proclamavit, Alexium ipsum necavit, Agnetem filiam Ludovici VII regis Franciae, Alexio in matrimonium promissam, uxorem duxit. Anno 1185 Thessalonica a Normannis Siciliae obsessa, Andronicus a plebe cum magna saevitia interfectus est in hippodromo Constantinopolis.
[recensere] Familia
Andronicus bis maritus est. E prima uxore, nomine incognito, genuit:
- Manuel Comnenus, 1185 interfectus. Is in matrimonium duxit Rusudan filiam Georgii III regis Georgiae et genuit imperatores fratres Alexium et Davidem Trapezuntis
- Ioannes Comnenus, 1185 interfectus
- Maria Comnena
Ex amasia Theodora Comnena genuit:
- Alexius Comnenus
- Irena Comnena
E secunda uxore Agnete Franciae nullos filios genuit.
[recensere] Vide etiam
[recensere] Fontes rerum gestarum Andronici Comneni
- Nicetas Choniates, Historia
| Antecessor: Alexius II Comnenus |
Imperator Romanus Orientalis 1183-1185 |
Successor: Isaacius II Angelus |
