Sydney

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Sydney

Negara	Australia
Negara bagéan	New South Wales
Dina Madeg	26 Januari 1788
Jembar wewengon	12.144,6 km2
Pedunung	4.293.100(1st)
- Kapadhetan	345,7/km2
Basa	Basa Inggris
Zona	AEST(UTC+10) AEDT (UTC+11)

Sydney kuwi kutha paling gedhé ing Australia lan ibukutha saka New South Wales. Sydney uga minangka kutha kang maju jroning werna-werna bidhang saingan karo Melbourne kang dumunung ing Victoria. Sydney uga minangka kutha paling tuwa ing Australia kang madeg ing taun 1788 lan kutha paling gedhé ing pérangan bumi kidul (Southern Hemisphere). Pedunung area metropolitan Sydney gunggungé watara 4,7 yuta jiwa lan para pedunung Sydney dikenal kanthi sebutan "Sydneysider".

Sydney uga misuwur minangka tujuan pariwisata utamané Sydney Opera House kang wis dadi ikon Sydney. Ing panggonan iki dianakaké Olimpiade 2000

[sunting] Sajarah

Artikel Utama: Sajarah Sydney

Dhaérah sakubengé Sydney Harbour wis dipanggoni déning pedunung Aborigin saka suku Eora lan Cadigal jroning 40.000 tahun. Akibat [urbanisasi]], akèh-akèhé sisa paninggalan suku kasebut wis ilang.

Wong Eropah wiwit kepéncut marang dhaérah iki, khususé Botany Bay, ing taun 1770 sawisé panjelajahan James Cook. Karana idin Pamaréntah Inggris, Arthur Phillip teka menyang Botany Bay karo para pendhatang pisanan. Amarga nyatané dhaérah Botany Bay dirasa kurang cocog, banjur ngalih menyang Sydney Cove ing Port Jackson.

Jaman luru emas dialami Sydney pisanan ing taun 1851 lan para pendhatang saka Eropah padha teka kanggo miwiti urip anyar kang luwih apik ing Sydney. Taraf urip kang ningkat sawisé industrialisasi uga narik para pendhatang saka Eropah lan sabanjuré saka Asia.

Pedunung Sydney saiki akèh-akèhé saka Inggris lan Irlandia nanging sangsaya akèh uga pendahtang saka Lebanon, Yunani, Italia lan Asia. Cacahing pedunung uga sangsaya tambah akèh, wiwit saka 2.540 jiwa ing taun 1800 dadi 1.039.000 jiwa ing taun 1925 lan terus tuwuh dadi 4,7 yuta jiwa ing taun 2004.

[sunting] Pariwisata

Jerapah ing Kebon Raja Taronga Sydney kanthi pencakar langit Sydney ing latar mburi

Sydney minangka salah siji kutha tujuan wisata favorit ing donya. Sawetara obyèk pariwisata kang ana ing Sydney antara liya:

• Sydney Opera House lan Sydney Harbour Bridge ing Sydney Harbour
• Sydney Aquarium ing Darling Harbour
• Sydney Tower dikenal uga minangka AMP Tower utawa Centrepoint Tower
• The Rocks
• Taronga Zoo
• Sydney Wildlife World
• Chinese Garden of Friendship
• Luna Park

Kutha Sydney tau duwé julukan:

• Ibukutha pesta Taun Anyar sakdonya
• Kutha Olimpiade Millenium
• Kutha kanthi plabuhan segara paling éndah ing donya

Panorama Sydney Harbour ing wayah wengi, kanthi gedhung Sydney Opera House (kiwa), distrik bisnis (CBD) (tengah) lan Sydney Harbour Bridge (tengen)

[sunting] Delengen uga

• Daftar gereja Indonesia ing Sydney
• Website resmi pariwisata negara bagian New South Wales

[sunting] Pranala njaba

Mangga mriksani Sydney ing Wikimedia Commons.

   Pirsani pandhuan wisata Sydney ing Wikitravel

Negara bagéan Australia lan ibukuthané
TIKA	NSW	TL	Que	AKi	Tas	Vic	AKu
Canberra	Sydney	Darwin	Brisbane	Adelaide	Hobart	Melbourne	Perth

Artikel prakawis Australia puniki setunggaling tulisan rintisan. Panjenengan saged mbiyantu Wikipedia ngembangaken.