Ngaat
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
Ngaat utawa Minggu kuwi dina kang kapisan jroning kalèndher Jawa, yakuwi sawisé dina Setu lan sadurungé dina Senèn. Jeneng Ngaat kuwi asalé saka basa Arab Ahad kang tegesé siji utawa dina kang kapisan. Jroning kalèndher Jawa, dina Ngaat iki neptuné 5. Neptu kuwi angka kang diduwèni saben dina, pasaran, wulan lan taun, kanggo pétungan golèk dina apik (Wariga Gemet, upamané kanggo miwiti kagiatan kang wigati kayadéné arep palakrama, lelungan adoh lan sapanunggalané.
Ing kalèndher Masèhi dina iki diarani dina Minggu. Dina Ngaat iki minangka dina libur, lan tumrapé umat agama Kristen lan Katulik minangka dina kanggo ngayahi ibadah ing gréja. Jeneng liya kanggo dina iki yakuwi Aditya, Raditya, Redite utawa Dite kang dijupuk saka basa Sanskreta kang maknané srengéngé, mèmper karo pangertên ing basa-basa ing Eropa, kayata ing basa Inggris: Sunday, ing basa Walanda:Zondag, basa Jerman:Sonntag kang tegesé padha yakuwi dina srengéngé.
[sunting] Delengen uga
- Dina
- Kalèndher Jawa
- Neptu
- Wariga Gemet
[sunting] Pranala njaba
| Dina-dina jroning seminggu (Saptawara) |
|---|
| Ngaat · Senèn · Selasa · Rebo · Kemis · Jemuwah · Setu |
| Pasaran utawa Pancawara |
|---|
| Pahing · Pon · Wagé · Kliwon · Legi/Umanis |
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.
