Gotland
Úr Wikipediu, frjálsa alfræðiritinu
Gotland er stór eyja í Eystrasalti sem tilheyrir Svíþjóð. Hún er um 90 km austan við meginlandið. Stjórnunarlega er eyjan bæði eitt sveitarfélag og fylki, Gotlands Kommun. Höfuðstaður eyjarinnar er Visby. Fyri utan sjálfa höfuðeyjunna Gotland tilheyra einnig Fårö, Karlseyjarnar og Gotska Sandön eyjarklasanum. Á eyjunum hafa fundist 42 000 fornmynjar.
Sú mállýska sem töluð er á Gotlandi, gotlenska, (eygotneska) er enn talsvert ólík ríkissænsku bæði í framburði og málfari. Orðaforði í gotlensku er mun líkari íslensku en í flestum öðrum sænskum mállýskum. Þó að gotlenska sé nú einungis mállýska á hún rætur í sjálfstætt fornmál, nefnt Forngotlenska.
Á miðöldum var Gotland mikilvægur verslunarstaður og sjóræningjahöfn. Visby gekk í Hansasambandið og varð ein af lykilborgum sambandsins. 1280 lögðu Svíar eyjuna undir sig og 1361 komu Danir, undir stjórn Valdimars atterdag. Eyjan var undir dönskum yfirráðum þar til eftir friðarsamninginn í Brømsebro 1645.
Þegar Eiríkur af Pommern fór í konunglegt verkfall 1439 settist hann að í Visby og stundaði þaðan sjórán á Eystrasalti. 1449 lét hann Kristjáni I eyjuna eftir.
