24 (sjónvarpsþáttur)

Úr Wikipediu, frjálsa alfræðiritinu

24 er bandarískur sjónvarpsmyndaflokkur, sem Fox Network framleiðir fyrir fyrirtæki Rons Howard Imagine Entertainment og er sýnd víða um heim.

Hver árgangur fjallar um atburði eins dags í lífi Jacks Bauer, alríkislögreglumanns hjá Counter Terrorist Unit eða CTU í Los Angeles, sem leikinn er af Kiefer Sutherland. Þátturinn sjallar einnig um samstarfsfólk Jacks hjá CTU í Los Angeles, ýmsa hryðjuverkamenn og starfsfólk Hvíta hússins.

Rauntímaeðli þáttanna gefur þeim yfirbragð mikillar spennu, sem lögð er áhersla á með tifandi stafrænni klukku sem birtist af og til, m.a. fyrir og eftir auglýsingahlé og í enda hvers þáttar. Í hverjum þætti er sýnt frá atburðum á ýmsum stöðum og fylgt er eftir ævintýrum ólíkra persóna sem allar eru flæktar í sömu atburðarásina.

Joel Surnow og Robert Cochran skópu 24 en fyrsti þátturinn var sýndur árið 2001.

Efnisyfirlit 1 Yfirlit yfir efni hvers árgangs 1.1 1. dagur 1.2 2. dagur 1.3 3. dagur 1.4 4. dagur 1.5 5. dagur 1.6 6. dagur 2 Aðalleikarar 2.1 Núverandi aðalpersónur og -leikarar 2.2 Núverandi aukapersónur og -leikarar 2.3 Fyrrverandi aðalpersónur og -leikarar 3 Heimild 4 Tenglar

[breyta] Yfirlit yfir efni hvers árgangs

Hingað til hefur hver árgangur fylgt svipaðri formúlu. Þættirnir, sem gerast að verulegu leyti í Los Angeles, snúast einkum um baráttu Jacks Bauer og Counter Terrorist Unit þegar þjóðaröryggi Bandaríkjanna er ógnað, m.a. af hryðjuverkamönnum. Ýmsar fórnir sem koma á óvart, svik og annað ráðabrugg eru algeng. Auk aðalógnarinnar eru ýmsar aukaatburðarásir í hverjum árgangi, sem vara allnokkra þætti og eru samofnar meginatburðarásinni, sem hefur sjálf tilhneigingu til þess að einu sinni eða tvisvar þegar líður á árganginn. Jack Bauer stendur oft frammi fyrir gríðarmikilli persónulegri sálarangist.

Hver árgangur gerist á „rauntíma“ og hefst á ólíkum tíma dags. Hver þáttur lýsir atburðum einnar klukkustundar og hver árgangur lýsir atburðum sólarhrings og er 24 þættir. Hver þáttur hefst á því að Kiefer Sutherland í gervi Jack Bauer segir: „Eftirfarandi gerist milli [tími] og [tími]“.

• Í fyrsti árgangi hefst hver þáttur á því að Kiefer Sutherland les línuna: „Eftirfarandi gerist milli [tími] og [tími] á degi forsetaforvalskosninganna í Kaliforníu“.

[breyta] 1. dagur

Í fyrsta árgangi eru hryðjuverkamenn með það á prjónunum að ráða af dögum forsetaframbjóðandann, David Palmer, en hryðjuverkamennirnir hafa augastað á eiginkonu Jacks Bauer og dóttur þeirra að Bauer óvörum. Jack grunar að fólk sem hann vinnur með kunni að hafa átt hlut að máli í hvoru tveggja og reynir samtímis að verja Palmer og komast til botns í því hvers vegna konu hans og dóttur hefur verið rænt.

[breyta] 2. dagur

Í öðrum árgangi tekst Jack á við dauða konu sinnar og versnandi samband sitt við dóttur sína, sem telur að hættuleg atvinna Jacks hafi valdið dauða móður sinnar. Bauer er ekki lengur á launaskrá hins opinbera en forseti Bandaríkjanna, David Palmer, reiðir sig á Jack sem eina manninn sem hann getur treyst til að komast til botns í því hver sé að hóta að sprengja kjarnorkusprengju í Los Angeles og til að hindra að það gerist. Samtímis þessu verður til aukaatburðarás í kringum Kate Warner, sem er að skipuleggja brúðkaup systur sinnar og verðandi mágs síns, þegar CTU grunar að brúðguminn gæti verið viðriðinn áform hryðjuverkamannanna.

[breyta] 3. dagur

Í þriðja árgangi hefur Jack snúið aftur til starfa eftir að hafa lokið verkefni undir dulargevi, þar sem hann komst inn í raðir Salazar fjölskyldunnar, sem er eiturlyfjahringur með tengsl við hryðjuverkamenn. Á sama tíma er líki, sem er sýkt af dauðlegri veiru, kastað úr sendibíl hjá höfuðstöðvum heilbrigðisyfirvalda alríkisins. Hinn nýi félagi Jacks er ungur en hæfur maður, Chase Edmunds, sem á í ástarsambandi með dóttur Jacks, sem nú vinnur fyrir CTU. Jack og Chase verða nú að finna hryðjuverkamennina, sem bera ábyrgð á veiru-árásinni og eyða öllum sýnum veirunnar áður en henni er sleppt út í andrúmsloftið. Í þessum árgangi á Jack einnig við eiturlyfjavanda að stríða, sem á uppruna sinn í síðasta verkefni hans.

[breyta] 4. dagur

Í fjórða árgangi vinnur Jack Bauer í Washington D.C. fyrir varnarmálaráðuneytið en á í ástarsambandi með dóttur varnarmálaráðherrans, Audrey Raines. CTU starfar nú undir nýjum skipunum frá forsetanum en nýr yfirmaður CTU kallar Jack á sinn fund vegna yfirvofandi hryðjuverkaárásar. Varnarmálaráðherranum og dóttur hans er hins vegar rænt og Jack verður að reyna að bjarga þeim úr haldi ræningjanna. Eftir að þeim er bjargað átta þau sig á að mannránið var notað til að dylja áform um að valda ofhitnun og bráðnun í bandarískum kjarnorkuverum um land allt. En þetta reynist aftur vera einungis toppurinn á ísjakanum.

[breyta] 5. dagur

Í fimmta árgangi hefur Jack breytt nafni sínu í Frank Flynn og er að reyna að hefja nýtt líf utan CTU en honum berast þær fregnir að reynt hefði verið að ráða af dögum alla þá sem vissu að hann væri enn á lífi og að Palmer, fyrrverandi forseti, og Michelle Dessler, fyrrum samstarfskona Jacks, hefðu verið drepin. Einhver hefur reynt að koma sökinni á Jack og hann verður ásamt starffólki CTU að finna út hver stendur á bak við ráðabruggið samtímis því að hafa uppi á stolnu sentox taugagasi og uppræta samsæri sem teygir sig alla leið til Hvíta hússins og vopnaframleiðandans Omicron Corporation.

[breyta] 6. dagur

Í lok 5. dags hafði Jack verið handsamaður af kínverskum yfirvöldum fyrir innbrot í kínverska sendiráðið í Los Angeles sem leiddi til dauða kínversks embættismanns. Í upphafi 6. dags hefur Wayne Palmer, sem nú er forseti Bandaríkjanna, samið við kínversk stjórnvöld um að fá Jack lausan úr haldi eftir 20 mánuði í haldi. Hryðjuverkamenn fremja sjálfsmorðsárásir um gervöll Bandaríkin undir forystu Abu Fayed sem hefur tekist að sannfæra bandarísk stjórnvöld um að hann muni hjálpa þeim að handsama hryðjuverkamanninn Assad, sem þau telja ranglega að hafi skipulagt árásirnar. Fyrir hjálpina vill Fayed að bandarísk yfirvöld afhendi honum Jack Bauer.

[breyta] Aðalleikarar

Ítarlegra yfirlit má finna á lista yfir persónur í 24 og lista yfir aukapersónur í 24

[breyta] Núverandi aðalpersónur og -leikarar

Leikari	Persóna	Árgangar í aðalhlutverki	Árgangar í aukahlutverki
Kiefer Sutherland	Jack Bauer	Dagur 1-6	enginn
Mary Lynn Rajskub	Chloe O'Brian	Dagur 5-6	Dagur 3-4
DB Woodside	Wayne Palmer	Dagur 6	Dagur 3, 5
James Morrison	Bill Buchanan	Dagur 5-6	Dagur 4
Peter MacNicol	Thomas Lennox	Dagur 6	enginn
Jayne Atkinson	Karen Hayes	Dagur 6	Dagur 5
Carlo Rota	Morris O'Brian	Dagur 6	Dagur 5
Eric Balfour	Milo Pressman	Dagur 6	Dagur 1
Marisol Nichols	Nadia Yassir	Dagur 6	enginn
Regina King	Sandra Palmer	Dagur 6	enginn

[breyta] Núverandi aukapersónur og -leikarar

Leikari	Persóna	Árgangur
Glenn Morshower	Aaron Pierce	Dagur 1-6
Tzi Ma	Cheng Zhi	Dagur 4-6
Paul McCrane	Graham	Dagur 5-6
Alexander Siddig	Hamri Al-Assad	Dagur 6
James Cromwell	Phillip Bauer	Dagur 6
Kal Penn	Ahmed Amar	Dagur 6
Ruben Pla	Yusuf Amar	Dagur 6
Hrach Titizian	Zamil Kouri	Dagur 6
Harry Lennix	Walid Al-Rezani	Dagur 6
Adoni Maropis	Abu Fayed	Dagur 6
Garret Sato	Wu San	Dagur 6
Rick Schroder	Mike Doyle	Dagur 6
Rena Sofer	Marilyn	Dagur 6
Evan Ellingson	Josh	Dagur 6
David Hunt	Darren McCarthy	Dagur 6
Chad Lowe	Reed Pollock	Dagur 6
Powers Boothe	Noah Daniels	Dagur 6
Sammy Sheik	Masheer	Dagur 6
Scott William Winters	FBI-maður	Dagur 6
Jamison Jones	yfirmaður leyniþjónustunnar	Dagur 6
Steven Schub	hryðjuverkamaður	Dagur 6
Stephen Merchant		Dagur 6
Patrick Sabongui	Nasir	Dagur 6
Al Woodley	Nichols, FBI-maður	Dagur 6
Michael Angarano	Scott Wallace	Dagur 6
Megan Gallagher	Julianne Wallace	Dagur 6
Raphael Sbarge	Ray Wallace	Dagur 6
Kim Raver	Audrey Raines	Dagur 6
William Devane	James Heller	Dagur 6

[breyta] Fyrrverandi aðalpersónur og -leikarar

Leikari	Persóna	Árgangur í aðalhlutverki	Árgangur í aukahluterki
Leslie Hope	Teri Bauer	Dagur 1	enginn
Sarah Clarke	Nina Myers	Dagur 1	Dagur 2-3
Elisha Cuthbert	Kim Bauer	Dagur 1-3	Dagur 5
Dennis Haysbert	David Palmer, forseti	Dagur 1-3	Dagur 4-5
Sarah Wynter	Kate Warner	Dagur 2	Dagur 3
Xander Berkeley	George Mason	Dagur 2	Dagur 1
Penny Johnson Jerald	Sherry Palmer	Dagur 2	Dagur 1, 3
Carlos Bernard	Tony Almeida	Dagur 2, 3, 5	Dagur 1, 4
Reiko Aylesworth	Michelle Dessler	Dagur 3	Dagur 2, 4, 5
James Badge Dale	Chase Edmunds	Dagur 3	enginn
Alberta Watson	Erin Driscoll	Dagur 4	enginn
Lana Parrilla	Sarah Gavin	Dagur 4	Dagur 4*
Roger Cross	Curtis Manning	Dagur 4-5	Dagur 4*, dagur 6
Gregory Itzin	Charles Logan, forseti	Dagur 5	Dagur 4, 6
Louis Lombardi	Edgar Stiles	Dagur 5	Dagur 4
Jean Smart	Martha Logan	Dagur 5	Dagur 6

* - Hóf árgang sem aukapersóna en varð aðalpersóna í miðjum árgangi. Jude Ciccolella, sem lék Mike Novick, kom fram í 58 þáttum í dögum 1, 2, 4 og 5 og er í sjöunda sæti yfir þær leikara sem oftast hafa komið fram í þáttunum en var þó aldrei aðalleikari.

[breyta] Heimild

• Greinin „24 (TV series)“ á ensku útgáfu Wikipedia. Sótt 20. mars 2006.
• Greinin „24 (TV series)“ á ensku útgáfu Wikipedia. Sótt 15. janúar 2007.

[breyta] Tenglar

• Heimasíða 24 hjá Fox sjónvarpsstöðinni
• 24 hjá Internet Movie Database

24

Árgangar: Dagur 1 | Dagur 2 | Dagur 3 | Dagur 4 | Dagur 5 | Dagur 6

Varningur: 24: The Game | The Soundtrack

Annað: Counter Terrorist Unit

Persónur:

Bauer fjölskyldan: Jack Bauer | Teri Bauer | Kim Bauer

Starfsfólk Counter Terrorist Unit : Tony Almeida | Michelle Dessler | Chloe O'Brian | Ryan Chappelle | George Mason Bill Buchanan | Chase Edmunds | Edgar Stiles | Curtis Manning | Gael Ortega | Lynn McGill | Erin Driscoll Jamey Farrell | Karen Hayes | Miles Papazian | Milo Pressman | Adam Kaufman | Sarah Gavin | Paula Schaeffer | Carrie Bendis | Harry Swinton | Thomas Lennox | Nadia Yassir | Morris O'Brian

Forsetar, fjölskyldur og starfsfólk Hvíta hússins: David Palmer | Charles Logan | John Keeler Hal Gardner | Jim Prescott | Sherry Palmer | Martha Logan | Mike Novick Aaron Pierce | Wayne Palmer | Walt Cummings | Evelyn Martin | Lynne Kresge | Roger Stanton Keith Palmer | Nicole Palmer | Sandra Palmer

Varnarmálaráðuneytið: James Heller | Audrey Raines | Mark DeSalvo

Þorparar: Mandy | Ira Gaines | Andre Drazen | Alexis Drazen | Victor Drazen | Nina Myers | Marie Warner | Syed Ali | Peter Kingsley | Max | Ramon Salazar | Michael Amador | Stephen Saunders | Navi Araz | Habib Marwan Vladimir Bierko | Christopher Henderson | Graham | Abu Fayed

Aðrir: Kate Warner | James Nathanson Sjá einnig Lista yfir persónur í 24 og Lista yfir aukapersónur í 24