XUL
De Wikipedia, le encyclopedia libere
XUL es le abbreviation del expression anglese XML-based User-interface Language (linguage de interfacie de usator basate super XML). Illo es un application de XML usate pro describer le disposition de fenestras in le navigator Mozilla.
Uno creava altere applicationes, tal como le Mozilla Amazon Browser (MAB) e ChatZilla, que, ben que illos non es autonome, es basate super XUL e non usa le parte navigator de Mozilla. Le interessante a proposito de iste applicationes es que illoes pote esser simplemente aperite directemente del Internet, justo como un sito del web. Isto se denomina application remote.
Typicamente un interfacie de usator XUL es definite como tres collectiones discrete de componentes:
- Contento XUL: Typicamente declara fenestras e elementos de interfacie de usator associate a illos.
- Revestimento XUL: Contine folios de stilo e imagines que defini le apparentia del application.
- Localitate XUL: Textos exhibibile que compone un application es immagazinate in plure linguas pro permitter portabilitate linguistic.
[modificar] Vide tamben
- UIML
