Mašinowa rěč
Z Wikipedije, swobodneje encyklopedije
Mašinowa rěč abo tež mašinowy kode wobsahuje wšitke programy, kotrychž komanda z kombinacijow wot 0 a 1 wobsteja. Tute so wot ličaka njeposrědnje interpretuja (so wučitaja a wuwjedu). Jedna so tu wo binarny kode, kotryž je za čłowjeka jenož ćežko čitajomny a zrozumliwy. Zwjetša so z pomocu kompilatorw abo assemblerow do mašinoweje rěče přełožuje. Jenož hdyž kmany assembler za specielny procesor faluje, je trěbnje w mašinowej rěči programěrować.
Mašinowe komandy hodźa so w slědowacych kategorijach zjeć:
- aritmetiske operacije: trěbne za wobličenja
- logiske operacije: zwjazaja bitowe pola mjezsobu (AND, OR, XOR, NOT)
- bit-orientowace operacije: zmóžnja wučitanje a manipulowanje jednotliwych bitow w bitowych polach
- składowace operacije: přenjesu daty mjez procesorowymi registerami a składami
- přirunace operacije: přirunanje hódnotow
- regulowace operacije: rozhałužkowanja, kotrež wotběh programa wobwliwuja
Program pisany w mašinowym kodźe mjenuje so objektowy kode.
