Santa Helena
Na Galipedia, a wikipedia en galego.
- Para outras páxinas con títulos homónimos véxase: Helena (homónimos).
| Saint Helena
Santa Helena |
|||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||
Santa Helena é unha illa do Océano Atlántico, situada a máis de 2.800 quilómetros de distancia da costa occidental de Angola, en África. Administrativamente, é un Territorio de Ultramar do Reino Unido, no que inclúe ademais as dependencias das illas de Ascensión, Tristán da Cuña e Diego Alvares. Santa Helena está incluída na lista elaborada pola Organización das Nacións Unidas de descolonización.
Índice |
[editar] Historia
Portugal nunca colonizou a illa, que veu a ser ocupada pola mariña inglesa no século XIX. A illa foi descoberta en 1501 polo navegador galego Xoán da Nova, estando ao servizo de Portugal, Xoán da Nova dirixiase á India, (tendo nesa viaxe tamén descoberto a illa de Acensión), e nomeouna por Helena de Constantinopla; a illa estaba deshabitada pero había moitos bosques e auga fresca; importaron gañado, árbores froiteiras e vexetais, construíron unha capela e varias vivendas, onde deixaban aos enfermos para irse a casa, se se recuperaban para a seguinte embarcación, pero non formaron un asentamento permanente. Os portugueses mantiveron a localización da illa en segredo, sobre todo pola súa posición xeográfica. O seu primeiro residente permanente foi Fernãou López, un portugués da India, que se converteu en traidor e foi mutilado por orde de Afonso de Albuquerque, o gobernador de Goa. López preferiu estar exiliado que regresar a Portugal en malas condicións, e foi enviado a Santa Helena en 1513. Por orde real, López visitou Portugal pouco despois, pero regresou á illa onde morreu en 1530.
En 1584, dous embaixadores xaponeses que viaxaban cara a Roma fixeron escala na illa. Os primeiros ingleses que chegaron a Santa Helena foron Thomas Cavendish, quen desembarcou en xuño de 1588, durante a súa viaxe ao redor do mundo; o capitán inglés Abraham Kendall, quen visitou a illa en 1591; e Sir James Lancaster en 1593, facendo escala rumbo a Inglaterra desde Oriente, e que regresou en 1603 á illa da súa primeira viaxe pola Compañía Británica das Indias Orientais.
A illa continuou deshabitada ata a chegada de colonos neerlandeses en 1645. En 1651, Santa Helena foi transferida á Compañía Británica das Indias Orientais, que estableceu un destacamento na illa e construíu un forte en 1658, chamado Jamestown, nome dado en honra ao duque de York, Jaime II. En 1673 os holandeses se posesionaron de novo da illa, pero foron expulsados uns meses despois.
Nesa época, ao redor da metade dos habitantes eran escravos africanos. En 1810 a Compañía comezou coa importación de chineses desde Cantón. Durante o mandato da Compañía, a illa prosperou econonomicamente ata 1870 coa apertura da Canle de Suez de 1869, que facilitou as comunicacións marítimas entre Europa e Asia evitando a navegación rodeando África, unha ruta na cal Santa Helena servía como un punto de escala fundamental.
Santa Helena, debido á súa distancia e inaccesibilidad, serviu como prisión para grandes personalidades da historia. Napoleón Bonaparte pasou os seus últimos días de vida exiliado na illa entre 1815 e a súa morte, o 5 de maio de 1821. O xeneral Piet Cronje e outros prisioneiros da Guerra Anglo-Bóers foron trasladados a este territorio, que tamén serviu de lugar de exilio a algúns xefes zulúé, incluíndo Dinizulu.
[editar] Goberno e Política
O Xefe de Estado é o soberano do Reino Unido; na actualidade ostenta este título A súa Maxestade a Raíña Isabel II. O Xefe de Goberno é o Gobernador e Comandante en Xefe que é designado polo monarca; existe un Consello Executivo que se utiliza como gabinete e é dirixido polo gobernador, dous membros ex officio e seis membros elixidos polo Consello Lexislativo.
Existe un Consello Lexislativo unicameral, que está formado por 15 escanos, incluíndo o voceiro, tres membros ex officio e doce membros elixidos mediante votación popular por un período de catro anos. Non existen os partidos políticos desde 1976 e todos os membros son independentes sen afiliación política.
Existe unha Corte Suprema dentro da dependencia. A Constitución actual réxese desde o 1 de xaneiro de 1989.
[editar] Organización político-administrativa
A dependencia divídese en tres unidades administrativas:
| Unidade administrativa | Superficie (km²) | Poboación (1998) | Capital |
|---|---|---|---|
| Santa Helena (área administrativa) | 122 | 5.157 | Jamestown |
| Ascensión (dependencia) | 88 | 1.122 | Georgetown |
| Tristán dá Cunha (dependencia) | 200 | 284 | Edimburgo |
| Territorio de Ultramar de Santa Helena | 410 | 6563 | Jamestown |
Dentro da área administrativa de Santa Helena, inclúense os pequenos illotes satélites e rocas como a Roca de Castle, Illa de Speerd, Os Needle, Roca de Lower Black, Roca de Upper Black (Sur), Illa de Bird (Suroeste), Roca de Black, Illa do Val Thompson, Illa de Peaked, Illa de Egg, Lady's Chair, Roca de Lighter (Oeste), Long Ledge (Noroeste), Illa de Shore, Illa de George, Illa da Roca Rough, Roca de Flat (Este), Os Buoys, Illa da Bahía Sandy, Os Chimney, Illa de White Bird e a Roca de Frightus (Sueste), que no seu conxunto suman 1 km².
A área administrativa de Santa Helena divídese en oito distritos:
| Distrito | Superficie (km²) | Poboación (1998) |
|---|---|---|
| Alarm Forest | 5,9 | 279 |
| Bahía de Sandy | 15,3 | 254 |
| Blue Hill | 36,5 | 175 |
| Half Tree Hollow | 1,6 | 1.126 |
| Jamestown | 3,6 | 864 |
| Levelwood | 14,0 | 373 |
| Longwood | 33,4 | 951 |
| Saint Paul's | 11,4 | 893 |
| Santa Helena (Illa) | 121,7 | 4.915 |
As dúas dependencias restantes non teñen unha subdivisión en distritos. Para Ascensión, que aparte de ter uns pequenos illotes e rocas, consiste nunha soa illa, usualmente dividida nos cinco asentamentos que hai. Para Tristán dá Cunha, que só ten un asentamento pero consiste en varias illas separadas, tómase como división a cada illa.
[editar] Xeografía
A illa de Santa Helena ten unha superficie de 121 km². Outras illas que pertencen a este territorio son a Illa Ascensión e o arquipélago de Tristán dá Cunha, consistente na illa homónima e as Illas Gough, Inaccesible e o grupo das Illas Nightingale. Todas estas illas son de orixe volcánico, moi escarpadas o que impide practicamente a agricultura, apenas cun 13% do terreo cultivable. O punto máis alto é o pico de Queen Mary's en Tristán dá Cunha (2.060 m).
O clima da illa é tropical, amornado debido á influencia mariña. Tristán dá Cunha é máis frío que Santa Helena, pero posúe practicamente as mesmas características.
Curiosamente, Santa Helena non posue nengunha praia, sendo o seu litoral completamente rochoso. Tamén por este motivo a illa era utilizada como prisión. Non hai unha saída doada do interior da illa mais que a través da capital Jamestown.
[editar] Ecoloxía
Na illa existen polo menos corenta especies de especies vexetais descoñecidas en calquera parte do mundo. Constitúe por si soa a ecorregión denominada monte e matogueira de Santa Helena.
[editar] Economía
A economía da illa baséase principalmente na axuda que recibe do Reino Unido e á exportación pesqueira, cría de gando e venda de artesanías. Actualmente ten un pequeno centro bancario.
O turismo que se realiza en Santa Helena é sobre todo nos lugares onde estivo Napoleón, A industria do turismo local explora moito este particular aspecto da historia, así como o calmo estilo de vida da súa poboación. Os sitios onde Napoleón viviu e o val onde foi enterrado son territorio francés.
Santa Helena non posue aeroporto, sendo todo o transporte de persoas e cargas feito a través de barcos. A illa posue un navío, chamado RMS St Helena, que fai unha ruta pasando por Inglaterra, Irlanda, Illas Canarias, Ascensión, Santa Helena, África do Sur e Namibia. A pasaxe pola Namibia é ainda experimental.
Existe un proxecto para a construción dun aeroporto, como forma de viabilización economica da illa, principalmente a través do turismo. Santa Helena ainda depende nunha gran medida dos recursos vidos do Reino Unido.
[editar] Demografía
A maior parte da poboación habita na illa de Santa Helena, cun total de 5.157 habitantes. 850 aproximadamente viven na capital, Jamestown. Outras 1.122 persoas viven en Ascensión, das cales máis de 500 viven na capital, Georgetown. En Tristán dá Cunha viven preto de 284 persoas.
Os grupos étnicos que existen na illa son descendentes de africanos (50%), brancos (25%) e descendentes de chineses (25%). A relixión anglicana constitúe a maioría, pero existen comunidades católicas, bautistas, adventistas do Sétimo Día e Testemuñas de Jehová (é o lugar onde hai maior proporción de fieis no mundo, 1 por cada 29 habitantes).
[editar] Ligacións Externas
| Países do mundo | África |
| Alxeria | Angola | Benín | Botsuana | Burkina-Faso (Ex-Alto Volta) | Burundi | Cabo Verde | Camerún | Chad | Cimbabue (Zimbabwe) | Comores | Congo | Costa do Marfil | Xibutí | Exipto | Etiopía | Eritrea | Gabón | Gambia | Gana | Guinea | Guinea-Bisau | Guinea Ecuatorial | Lesoto | Liberia | Libia | Madagascar | Malaui | Malí | Marrocos | Mauricio | Mauritania | Mozambique | Namibia | Níxer | Nixeria | Quenia | República Centroafricana | República Democrática do Congo (ex-Zaire) | República Sudafricana (África do Sur, Sudáfrica) | Reunión | Ruanda | San Tomé e Príncipe | Senegal | Serra Leona | Seixeles | Somalia | Suacilandia | Sudán | Tanzania | Tunisia | Togo | Uganda | Zambia |
| Outros territorios Canarias | Ceuta | Madeira | Melilla | Sáhara Occidental | Mayotte | Illa de Reunión |
