Rivaldo
Na Galipedia, a wikipedia en galego.
| Rivaldo | |||
|---|---|---|---|
| Nome completo: | Rivaldo Vitor Borba Ferreira | ||
| Alcume: | O Pelé Branco | ||
| Data de nacemento: | 19 de abril de 1972 | ||
| Lugar de nacemento: | Pernambuco, Brasil | ||
| Data de falecemento: | |||
| Lugar de falecemento: | , | ||
| Nacionalidade: |  |
||
| Clube actual: | Olympiakos | ||
| Posición: | Dianteiro, Mediapunta | ||
| Altura: | 1,86 metros | ||
| Partidos internacionais: | 74 | ||
| Goles: | 34 (Selección) | ||
| Ano do debut: | 1989 | ||
| Clube do debut: | Santa Cruz | ||
| Ano do retiro: | |||
| Clube do retiro: | |||
Rivaldo Vitor Borba Ferreira, mais coñecido por Rivaldo é un xogador brasileiro de fútbol. Foi Campión do mundo co Brasil no Mundial 2002.
Índice |
[editar] Biografia
Rivaldo asinou o seu primeiro contrato profesional co Santa Cruz aos dezeseis anos en 1989, despois de ter impresionado ós olladores locais nun torneo de xuvenís. En 1991 marcha cara o Mogi-Mirim da primeira división brasileira. Asinou co Corinthians en 1993 e ó pouco tempo fai o seu estreo no combinado nacional nun encontro contra México, no que o Brasil gaña por 1-0, gol de Rivaldo.
En 1994 marcha cara o Palmeiras e gaña o Campeonato Brasileiro ese mesmo ano. Tamén conseguiron a vitoria no Campeonato Paulista de 1996. Participou nas Olimpiadas de Atlanta en 1996, onde o Brasil gañou a medalla de bronze. Ese mesmo ano marcha ó Deportivo da Coruña, onde fica só unha tempada, xa que no verán de 1997 o Barcelona paga a súa cláusula de rescisión e lévase ó xogador.
No Mundial de 1998 xoga co Brasil tódolos encontros do torneo, anotando 3 goles. Brasil quedaría coma subcampión, ó perder coa Francia na final por 3-0.
En 1999 é elixido Xogador do ano segundo a FIFA, gaña o Balón de Ouro e amáis diso, a revista World Soccer entrégalle o galardón ao mellor xogador do ano. Este ano tamén gaña a súa segunda liga co FC Barcelona.
No Mundial 2002 Rivaldo foi unha das grandas estrelas da verdeamarela, que conseguíu o seu quinto título mundial. Nos oitavos de final contra Bélxica anotou o gol do triunfo brasileiro nos intres finais, cando xa semellaba que habería que xogar unha prórroga. Nos cuartos tamén veu porta, anotando o gol do empate contra a Inglaterra. E por último, na final contra a Alemaña, aínda que non marcou foi decisivo nas dúas xogadas que remataron en gol. Un forte disparo seu que o gardamallas xermano Oliver Kahn non puido atallar serviulle a Ronaldo para marcar o 1-0. No segundo gol deixou pasar un balón lanzado por Kléberson dende a dereita, deixando sen marca a Ronaldo que puxo o definitivo 2-0 no marcador.
Unha vez rematado o mundial o FC Barcelona déixao marchar coa carta de liberdade, aducindo que non lle podían seguir pagando o seu salario, e Rivaldo ficha polo AC Milan por tres anos. As cousas non lle foron moi ben no clube italiano e logo dunha tempada con poucas aparicións no once milanista abandona o clube.
Un breve paso polo Cruzeiro, onde só xogou once encontros. e ficha polo que é o seu clube na atualidade, o Olympiakós grego no ano 2004. Xa na súa primeira tempada consegue gañar coa escadra grega a liga e a copa, anotando un total de 12 goles en 23 encontros.
Rivaldo figura na lista da FIFA 100, na que se inclúen ós 125 mellores xogadores vivos segundo a opinión de Pelé
[editar] Títulos
- Coa Selección do Brasil:
- Co FC Barcelona:
- 2 Liga Española de Fútbol: 1997-1998 y 1998-1999.
- 1 Supercopa de Europa de Fútbol: 1997-1998.
- 1 Copa do Rei de Fútbol: 1998.
- 1 Copa Cataluña: 1999-2000.
- 5 Trofeo Joan Gamper 1997-1998-1999-2000-2001
- Co AC Milán:
- 1 Copa de Italia: 2002-2003.
- 1 Liga de Campións: 2002-2003.
- Co Olympiakos:
- 2 Liga Grega de Fútbol: 2004-2005 y 2005-2006.
- 2 Copa de Grecia: 2004 y 2005.
- Títulos individuais:
- 1 Balón de Ouro europeo: 1999.
- 1 FIFA World Player: 1999.
- 1 "Mellor xogador Iberoamericano".
- 1 Máximo goleador da Copa América de Fútbol 1999.
- 1 "Mellor xogador da Copa América de Fútbol 1999".
- 1 Onze de Ouro: 1999.
- FIFA 100
